Arkeologi (master)

Innan arkeologifaget forskar, analyserer og tolkar vi dei ulike kulturhistoriske spora i landskapet. Som arkeolog blir du ein viktig formidlar av mennesket si fortid, både i Noreg og internasjonalt. Innanfor arkeologifaget har vi eit langsiktig perspektiv og ei tverrfagleg tilnærming til menneske, n

What will you learn?

Arkeologiutdanninga ved Universitetet i Bergen er unik i si faglege samansetting, da vi ikkje berre tilbyr undervisning og rettleiing innan alle dei forhistoriske og historiske periodane innan europeisk arkeologi og Middelhavområdets arkeologi, men også innan zooarkeologi og miljøarkeologi. På masterprogrammet i arkeologi lærer du: 

  • å studere eit kjeldemateriale, kategorisere og analysere, og skrive ein tekst basert på dette
  • å jobbe sjølvstendig som forskar, men også i team, med arkeologisk utgraving og rapportering
  • å vere kritisk til kjelder og tolking
  • å anvende ulike analyseverktøy, som geografiske informasjonssystem (GIS), i tillegg til arkeologisk utgraving og registrering
Student life

Masterstudiet i arkeologi er eit allsidig studium med ca. 2–4 timar undervisning i veka. Aktivitetane varierer frå semester til semester: 1. semester består hovudsakleg av forelesingar og seminar, mens 2. semester gir erfaring i feltarbeid. Feltkurset, som varer i ca. tre veker, gir kunnskap i arkeologisk utgraving og registrering, og bidrar til samhald og eit godt studiemiljø. I 3. og 4. semester skriv du masteroppgåve under rettleiing.

Undervisninga gir kontakt med potensielle arbeidsgjevarar og innblikk i dei praksisområda du kan jobbe med etter studiet.

Som masterstudent får du eigen lesesalplass. Det finst moglegheiter for arbeidspraksis under studiet, til dømes i Vestland fylke.

Som student vil du ha det meste av undervisninga på Nygårdshøyden midt i Bergen sentrum. Du har tilgang til lesesalar, bibliotek, kollokvierom, kafear og studentbar på campus.

Career

Med ein mastergrad i arkeologi kvalifiserer du til arbeid som arkeolog ved arkeologiske utgravingar og registreringar, og som sakshandsamar innan kulturminnevern og kulturminneforvaltning. 

Arkeologar jobbar også med forsking, undervisning og formidling ved ulike forskingsinstitusjonar og innan museumssektoren. Arkeologar jobbar også i andre typar offentlege og private verksemder innan kulturfeltet. 

Read interviews with former students
Admission requirements and how to apply
Grade requirements: C (2.5)
Requires a minimum average grade of Norwegian grade C (2,5) or the equivalent, to be eligible for admission.

Students with citizenship from countries outside the EU/EEA/Switzerland must pay tuition fees. Some applicants may be exempted from this rule.

Submission deadline for autumn semester: 15 April
Teaching language

Teaching language: Norwegian

Study structure

Masterprogrammet i arkeologi er eit toårig fulltidsstudium som startar i august og januar, med hovudopptak i august.   

Studieløpet på masterprogrammet i arkeologi kan sjå slik ut: 

1. semester  

Arkeologi: Landskap, kulturminne og forvalting (10 studiepoeng)

Prosjektskildring (10 studiepoeng)   

Teori og metode (10 studiepoeng)   

2. semester    

Arkeologisk praksis  (20 studiepoeng)   

Spesialemne i arkeologi (10 studiepoeng)  

3. og 4. semester   

Forskingsetikk (0 studiepoeng)  

Masteroppgåve (60 studiepoeng) 

Study abroad

Du kan reise på utveksling i eitt semester til Storbritannia, Tyskland, Danmark eller Sverige.  Eit utvekslingsopphald gir deg verdifull kulturell erfaring, språkleg trening, ny fagleg innsikt og opplevingar for livet. 

Further studies

Etter masterutdanning kan du gå vidare og ta ein doktorgrad (ph.d.) som kan kvalifisere til vitskaplege stillingar innanfor universitets- og høgskulesektoren. UiB tilbyr etter- og vidareutdanning, blant anna innan museumsarbeid, og korleis skrive vitskaplege artiklar.

Questions about the study?

Phone number: 55589370
E-mail: studierettleiar@ahkr.uib.no
Study plan

A study plan is a formal document between you as a student and the University of Bergen. The study plan must provide a clear framework for the study, describe the learning goals you will achieve and how the study is structured.

Study plan for Master's Programme in Archaeology

Link to video