Eksplosjonsfarar i prosessindustrien

Mål 

Emnet gjev ein oversikt over eksplosjonsfarar i prosessindustrien. Undervisninga vektlegg forståing for fysiske fenomen og risikoreduserande tiltak.

Innhald 

Emnet introduserer grunnleggjande konsept, termar og fenomen relatert til eksplosjonar i industrien, som til dømes fysiske og kjemiske eksplosjonar, samt prinsipp for aktiv og passiv førebygging og skadeavgrensing av eksplosjonsulykker. Undervisninga legg vekt på læring frå eksplosjonsulykker.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten kan

• diskutere klassifisering av eksplosjonsfenomen basert på fysiske og kjemiske prosessar
• skildre tennings- og forbrenningsfenomen i gassar, væsketåker, støvskyer, fyrverkeri, lågeksplosivar (til dømes krut) og høgeksplosivar (til dømes dynamitt)
• forklara metodar for aktiv og passiv førebygging og skadeavgrensing av eksplosjonar
• forklara prinsippa for klassifisering av eksplosjonsfarlege område
• forklara prinsippa for design av elektriske apparat for bruk i eksplosjonsfarlege område
• skildre hendingsgong og læring frå utvalde eksplosjonsulykker

Ferdigheiter

Studenten kan

• diskutere relevante metodar for å verna ei industriell verksemd eller mot eksplosjonar, til dømes med å vise til tidlegare eksplosjonsulykke i liknande system
• utfør enkle laboratorieeksperiment med gass- og støveksplosjonar
• gje ei klar munnleg framstilling av løysingar på relevante oppgåver

Generell kompetanse

Studenten kan

• identifisere relevante eksplosjonsfarar for eit gitt system
• føreslå passande risikoreduserande tiltak for eit gitt system
• kombinere ulike prinsipp for eksplosjonsvern for eit gitt system