Fransk (master)

Masterprogrammet i fransk har som mål å gi deg spesialisert kunnskap i fransk litteratur og lingvistikk, brei kjennskap til fransk kultur samt innblikk i forskingsprosjekt ved faget. Gjennom programmet vidareutviklar du språkferdigheitene dine i både munnleg og skriftleg fransk.

I masteroppgåva (60 studiepoeng) arbeider du sjølvstendig med eit sjølvvalt tema frå ein av disiplinane i programmet eller med ein tverrfagleg problemstilling. Du får individuell rettleiing gjennom heile forskings- og skriveprosessen.

Franskfaget har eit samarbeidsprosjekt med Université du Québec à Montréal (2025-2028) som gjer det mogleg å søke om støtte til utveksling til det franskspråklege Canada i det siste året av masterprogrammet.

Som masterstudent i fransk får du fast plass på lesesal. Du møter andre som er interessert i dine fagområde, og du får anledning til å snakke fransk med både dei som har fransk som morsmål og dei du sit på lesesal med. Både administrativt og fagleg tilsette svarer gjerne på spørsmål, samt individuell rettleiar på masteroppgåva.

Det er om lag 6-10 timar med forelesingar og seminar kvar veke. Mykje av tida går med til sjølvstudium og forsking aleine eller saman med medstudentar. 

Du kan stille som representant for programstyret for fransk for å påverke utviklinga av studieprogrammet, eller du kan arrangere ulike fagleg-sosiale arrangement som del av studentutvalet. Som student hos oss vil du ha det meste av undervisninga på Nygårdshøyden i Bergen sentrum. Du har tilgang til lesesalar, bibliotek, treningssenter, kantine og studentbar på campus.

Med kunnskap på høgt nivå innan fransk språk og kultur kan du arbeide innan: 

• internasjonale organisasjonar 
• forsking 
• kunst, kultur og undervisning 
• media  
• næringsliv 
• turisme 

Etterspørselen etter franske språkferdigheiter aukar. Talet på franskspråklege innbyggarar verda rundt er forventa å auke raskt i åra som kjem. Studium i framandspråk medverkar til betre grunnlag for interkulturell kommunikasjon. Desse ferdigheitene kan overførast til og vere nyttige i mange profesjonelle og sosiale miljø. 

Dei fleste studentar frå land utanfor EU/EEA/Sveits må betale studieavgift, men det finns unntak.

Masterprogrammet har også opptak på våren dersom det er ledige plassar.

Undervisningsspråk: Norsk and fransk

Undervisningsspråket og litteraturen er fransk.

Programmet går over fire semester og startar om hausten.  

1. semester 

Fransk litteraturvitskap (15 studiepoeng, i samarbeid med NTNU)

Språkleg særemne (15 studiepoeng)

2. semester 

Litterært særemne (15 studiepoeng)

Fransk språkvitskap (15 studiepoeng, i samarbeid med NTNU)

3. og 4. semester   

Masteroppgåve i fransk  (60 studiepoeng)

Du bestemmer og planlegg forskingsprosjektet i samarbeid med rettleiaren din. I masteroppgåva kan du fordjupe deg i språk eller litteratur, men du kan òg kombinere litterære, språklege og kulturelle perspektiv. 

Du kan ta andre eller tredje semester ved eit partnaruniversitet i utlandet. Vi anbefaler studieopphald i Frankrike eller Canada (Quebec). Eit utvekslingsopphald gir deg verdifull kulturell erfaring, språkleg trening, ny fagleg innsikt og opplevingar for livet.

Sjå anbefalte utvekslingsavtalar

Du kan halde fram innan akademisk forsking ved å ta ei forskarutdanning (ph.d.).

Studieplan for Masterprogram i fransk