Fasilitering av innovasjonsprosesser ved bruk av teknologi for ei berekraftig framtid

Målet med kurset er å gje deltakarane ferdigheiter og verktøy for å kartlegge samansette utfordringar, lære om korleis ein kan å arbeide saman kreativt med å løyse utfordringar i tverrfaglege team og med bruk av teknologiske verktøy som kunstig intelligens. Samla vil dette gje deltakarane relevant kompetanse som kan brukast i nyskapingsprosessar i arbeidslivet.

Kurset anvender teoriar og kombinerer spesifikt metodar frå to forskjellige kunnskapsområder: systemtenking og kreativ problemløysing i tillegg teknologiske verktøy, som kunstig intelligens. Ved å kombinere metodar frå desse felta, representerer kurset ei ny og tverrfagleg tilnærming for å fremme kreativ problemløysing og kunnskapsutvikling som ein ikkje har i eksisterande kurs. Kursdeltakarane vil jobbe med utfordringsdrivne innovasjonar knytt til berekraft, i team som består av kursdeltakarar med variert disiplinær bakgrunn.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenteten har kunnskapar om empiriske funn og teoriar knytte til

• Drøfte sentrale modellar og prinsipp i to ulike teoretiske felt: systemtenking og kreativitet
• Identifisere passande metodar innan systemdynamikk og kreativitetsforsking for å løyse ulike typar problemstillingar knytt til berekraft, og drøfte fordelar og ulemper i desse
• Gjere greie for samanhengen mellom dei to felta: systemtenking og kreativitet knytt til berekraft
• Identifisere psykologiske forhold i tverrfagleg samarbeid for å lukkast med nyskapingsprosessar i slike grupper
• Gjere greie for korleis utføre kreativ problemløysing og innovasjonsprosessar

Ferdigheiter

Studenten kan

• Kombinere ulike verktøy og metodar innan felta systemdynamikk og kreativitet
• Bruka det han/ho har lært til å setja opp og fasilitera nyskapingsprosessar knytt til berekraft gjennom systemtenking og kreativitet
• Tilpasse ulike psykologiske forhold i tverrfagleg samarbeid og kunne anvende desse for å lukkast med dei kreative nyskapingsprosessane knytt til berekraft
• Bruka eigna teknologiske verktøy som KI for kreative problemløysing og innovasjonsprosessar

Generell kompetanse

Studenten kan

• Kunne kritisk reflektere over og løyse problem knytt til tverrfagleg samarbeid
• Skjøna korleis kartlegging av problem og årsakssamanhengar skaper eit grunnlag for den kreative utforskinga og nyskapingsprosessar
• Kommunisere og fungere som ein konstruktiv medlem i ei tverrfagleg gruppe
• Kunne kritisk reflektere over bruk av teknologiske KI system ¿ inkludert både tekniske og etiske hensyn