Avhandlinga til Vegard vann høgtståande pris
ISACA er ei internasjonal arbeidsorganisasjon innan datatryggleik med over 180000 medlemmer. Den norske eininga har kåra Vegard Berge si masteroppgåve til årets beste av sitt slag.
Hovedinnhold
Vegard Berge tok bachelorgrad i datatryggleik og mastergrad i Sikker og påliteleg kommunikasjon på Selmersenteret. Han fullførte grada si på våren 2024, før han byrja som trainee i DNV.
No har ISACA Norway Chapter gjeve han prisen for årets beste master oppgåve innan IT revisjon og kontroll for avhandlinga "Enhanced Anomaly Detection in Industrial Control Systems aided by Machine Learning".
Som Vegard sjølv skriv i eit innlegg på LinkedIn:
«Denne anerkjenninga betyr mykje for meg, og eg kjenner meg utruleg audmjuk over å bli tildelt denne prisen. Masteroppgåva mi, med tittelen ‘Enhanced Anomaly Detection in Industrial Control Systems aided by Machine Learning’ (ja, neste gong vel eg heilt klart ein kortare tittel ), utforskar moglegheitene for å forbetre avvikshandtering i industrielle miljø ved å kombinere IT- og OT-data (prosessdata) i maskinlæringsmodellar.
Eg er djupt takksam til rettleiar min ved Universitetet i Bergen (UiB), professor Chunlei Li, for fantastisk rettleiing og oppmuntring gjennom heile prosjektet. Ein stor takk også til medrettleiaren min, Håkon Olsen, ein ekspert frå industrien, som bidrog med innsikt og fagkunnskap.»
Vi vil gratulere Vegard og ynskjer han lykke til vidare i karrieren!
