Numerisk modellering

I dette emnet lærer du å bruke numeriske metodar til å løyse enkle problem i væskedynamikk. Vi studerer eksakte og numeriske løysingar av partielle differensiallikningar knytt til adveksjon, diffusjon, svinging og bølgjeprosessar, og drøfter styrke og svakheit til ulike numeriske skjema.

Du vil lære å nytte metodar for å løyse startverdiproblem og studere korleis ulike grensebetingelsar påverkar resultata.

Studenten skal ved avslutta emne ha følgjande læringsutbyte definert i kunnskapar, ferdigheiter og generell kompetanse:

Kunnskapar

Studenten

• kan nytte fagterminologi til å skildre kva ein numerisk modell er og generelle trekk ved numeriske modellar som vert nytta innan meteorologi, oseanografi og klima
• kan teste om eit numerisk skjema er stabilt
• kan drøfte korleis oppløysinga av dei ulike skalaene påverkar modellresultata, og skilje mellom fysiske effektar og kunstige modell-effektar
• kan skildre korleis enkelte numeriske adveksjonsskjema kan optimaliserast ved bruk av "flux limitere"

Ferdigheiter

Studenten

• kan diskretisera ei likning på ein konsistent måte, og seie kor nøyaktig tilnærminga er
• kan vurdere dei ulike feilkjeldene som kan dukke opp i modellresultata, slik som fasefeil og dempingsfeil
• kan drøfte kva for avgrensingar ein numerisk modell har

Generell kompetanse

Studenten

• kan skrive eigen kode til å gjere enkle numeriske berekningar
• kan bruke numeriske modellar som verktøy til å løyse differensiallikninger knytt til meteorologi, oseanografi og klima
• kan lage grafikk og framstille data frå ein numerisk modell på høveleg vis

Vår. Emnet inngår i undervisningsopptaket. Meir informasjon:

www.uib.no/nt/53575/undervisningsopptaket-ved-nt-fakultetet