Italiensk språk og lingvistikk
Lågaregradsemne
- Studiepoeng
- 15
- Undervisningssemester
- Vår
- Emnekode
- ITAL203
- Talet på semester
- 1
- Undervisningsspråk
- Italiensk
Emnebeskrivelse
Mål og innhald
Emnet har som mål å fremje ei djupare forståing av det italienske språksystemet og av språkleg variasjon i Italia.
Emnet omfattar studium av sentrale grammatiske problem og gjev ei innføring i problem knytte til grenseflata mellom standardspråket og variantar som ligg i utkanten av standardspråket. Teoretiske og metodiske aspekt ved språkskildringa inngår i den litteraturen som ligg til grunn for emnet.
Læringsutbyte
Studenten skal ved avslutta emne ha følgjande læringsutbytte definert i kunnskap, ferdigheiter og generell kompetanse:
Kunnskap
Dei studentane som har gjennomført emnet:
- kjenner godt språksystemet i standarditaliensk
- har kunnskap om teori og metodar som ligg til grunn for språkskildringa
- har kunnskap om sentrale problem i italiensk variasjonslingvistikk
Ferdigheiter
Dei studentane som har gjennomført emnet:
- kan bruke dei tileigna omgrepa i sjølvstendige analysar av italiensk tekst og tale
- kan drøfte, skriftleg og munnleg, problemstillingar knytte til pensum
- kan formidle kunnskapar innanfor eige fagområde på munnleg og skriftleg italiensk
Generell kompetanse
Dei studentane som har gjennomført emnet:
- kan planleggje og gjennomføre arbeidsoppgåver som strekkjer seg over ei viss tid
- kan formidle sentralt fagstoff både skriftleg og munnleg
- kan arbeide sjølvstendig med ei problemstilling som krev teoretisk innsikt
- kan kommunisere på italiensk på eit relativt høgt nivå
Studiepoeng, omfang
Studienivå (studiesyklus)
Undervisningssemester
Undervisningsstad
Krav til forkunnskapar
Tilrådde forkunnskapar
Studiepoengsreduksjon
Krav til studierett
Arbeids- og undervisningsformer
Omfanget av undervisninga i emnet vil normalt vere ein dobbeltime seminar i veka i ein periode på 10 veker. Undervisninga går saman med ITAL253.
Undervisninga i emnet er hybrid. Studenten kan følgje undervisninga på campus og/eller digitalt.
Obligatorisk undervisningsaktivitet
I løpet av semesteret skal studenten halde eit munnleg innlegg knytt til pensum på omlag 15 minutt. Innlegget blir vurdert til godkjent/ikkje godkjent.
Godkjenninga av det obligatoriske arbeidskravet er gyldig i det semesteret det blir gjennomført og i semesteret etter.
Vurderingsformer
Vurderinga i emnet er delt i to:
1. Studenten skal møte til heimeeksamen på fire timar for å svare på eitt eller fleire spørsmål frå pensum. Prøva skal skrivast på italiensk. Heimeeksamen tel 50 % av den samla karakteren i emnet.
2. Studenten skal møte til munnleg eksamen på 20 minutt som vil føregå på italiensk der problemkrinsen for samtalen kan hentast frå heile pensumet i emnet. Munnleg eksamen tel 50 % av den samla karakteren i emnet.
Begge eksamensdelane må vere greidde i same semesteret for å kunne fullføre og bestå emnet.