Musikkterapipraksis 3

Praksisperioden byggjer vidare på MUTPRA101 og MUTPRA102, og vert gjennomført som blokkpraksis over fire samanhengande veker.

Blokkpraksis i sjette semester er definert som eit samfunnsmusikkterapeutisk prosjekt, til dømes med fokus å forarbeid, gjennomføring og etterarbeid av eit framførings-, samarbeids- eller innspelingsprosjekt. Målet er at studentane skal få erfaring med samfunnsmusikkterapeutiske arbeidsmåtar. Studentane får i denne praksisperioden større ansvar, med meir forventing om sjølvstende, enn i tidlegare praksisperiodar.

Ved avslutta emne har studenten følgjande læringsutbyte definert i kunnskapar, dugleikar og generell kompetanse:

Kunnskapar

• Studenten har god kunnskap om samfunnsmusikkterapeutisk teori og praksis.

Dugleikar

• Studenten forstår musikken sin funksjon i samfunnet og har ei konstruktiv og etisk haldning til bruk av musikk som helsefremjande verkemiddel.

Generell kompetanse

• Studenten kjenner til korleis musikkarbeidet kan inngå i kulturelle og sosiale nettverk. Studenten er fortruleg med brukarmedverknad, sjølvforvaltning og inkludering.