Musikkterapipraksis 4
Masteremne
- Studiepoeng
- 0
- Undervisningssemester
- Haust
- Emnekode
- MUTPRA301
- Talet på semester
- 1
- Undervisningsspråk
- Norsk
- Ressursar
- Timeplan
Emnebeskrivelse
Mål og innhald
Praksisperioden byggjer vidare på MUTPRA101, MUTPRA102 og MUTPRA201, og vert gjennomført som punktpraksis over ein periode på 15-18 veker. Praksisen er i utgangspunktet knytt til eitt av følgjande område: barn og unges oppvekst, psykisk helse eller medisinske kontekstar. Studentane får erfaring i det å følgje einskildklientar og/eller grupper gjennom terapeutiske prosessar over ein periode. I denne praksisperioden er det høgare forventingar til studentens sjølvstende og forståing av prosess og relasjon enn i tidlegare praksisperiodar. Studentane skal heilt eller delvis ta ansvar for musikkterapitimar eller forlaup. Målet er at studentane skal få ei djupare forståing av musikkterapeutens relasjonelle rolle og samspelet mellom musikkterapeut og klient.
Læringsutbyte
Ved avslutta emne har studenten følgjande læringsutbyte definert i kunnskapar, dugleikar og generell kompetanse:
Kunnskapar
- Studenten kjenner til teori, forsking og musikkterapeutiske arbeidsformer som er relevant for praksisområdet.
- Studenten har kunnskap som er nødvendig for utøving av musikkterapi innan desse kontekstane.
Dugleikar
- Studenten har godt utvikla dugleikar for musikkterapeutisk praksis innafor praksisområdet.
Generell kompetanse
Studenten har erfaring med individuelle terapiprosessar så vel som gruppeprosessar, og kan reflektere over personlege prosessar knytt til terapi.
Fulltid/deltid
Fulltid
Studiepoeng, omfang
Praksis gir ingen studiepoeng, men er ein integrert del av Integrert mastergrad i musikkterapi ved Fakultet for kunst, musikk og design, og er knytt til fleire av emna på studiet.
Studienivå (studiesyklus)
Master
Undervisningssemester
Haust
Undervisningsstad
Griegakademiet ¿ Institutt for musikk
Krav til forkunnskapar
Ingen
Krav til studierett
Femårig integrert masterprogram i musikkterapi
Arbeids- og undervisningsformer
Praksis vert gjennomført som punktpraksis ein heil eller to halve dagar i veka gjennom semestert, til saman 80 timar, under direte rettleiing av ein musikkterapeut. Praksis inneber rettleiing, klientkontakt, møteverksemd, planlegging m.m.
Obligatorisk undervisningsaktivitet
- 80 timar punktpraksis
- Førebuing, etterarbeid og rettleiing knytt til praksis
- Praksisrapport
Alle obligatoriske aktivitetar skal vere gjennomførte og godkjente for å kunne bestå emnet. For praksis gjeld 100% oppmøte.
Vurderingsformer
Praksislærar vurderer om praksis er bestått utifrå ei heilskapleg vurdering av studenten gjennom praksisperioden. Vurderinga skal gjerast tilgjengeleg for studenten før praksisperioden er over.
Karakterskala
Bestått / Ikkje bestått
Vurderingssemester
Haust
Litteraturliste
Emnet har ikkje litteraturliste.
Emneevaluering
Evaluering blir gjennomført i tråd med Universitetet i Bergen sitt kvalitetssikringssystem.
Programansvarleg
Programstyret for Femårig integrert masterprogram i musikkterapi har ansvar for fagleg innhald og oppbygging av studiet og for kvaliteten på studieprogrammet.
Emneansvarleg
Kjetil Hjørnevik
Administrativt ansvarleg
Fakultet for kunst, musikk og design
Institutt
Griegakademiet ¿ Institutt for musikk