Klinisk praksis i primærhelsetenesta

Studentane skal ha 4 vekers samanhengande praksis i primærhelsetenesta, der praksisarenaene er Frisklivssentralar, heimeteneste, sjukeheimar eller liknande. I denne praksisperioden, skal studentane ha sin første pasient/brukarkontakt og skal begynne å mestre kommunikasjon mellom behandlar og pasient/brukar.

Studenten skal ta del i ernæringsarbeidet ved praksisarenaen og ta del i den daglege drifta, som pasientsamtalar, tverrfaglege møter og undervisning. Studenten skal trene seg på tverrfagleg samarbeid med anna helsepersonell, kommunikasjon med brukarar, gje enkle kostråd under rettleiing av klinisk ernæringsfysiolog ved praksisstad/utdanningsinstitusjonen, risikovurdera for underernæring og utarbeida informasjonsmateriell. Studentane skal og observera kvarandre i samband med opptak av kostanamnese og gje tilbakemelding til sin medstudent (medstudentrettleiing) ved hjelp av validert vurderingsverktøy.

Studenten skal ved avslutta emne ha følgjande læringsutbyte definert i ferdigheiter og generell kompetanse:

Ferdigheiter: Studentane..

• Kan analysera og forholda seg kritisk til relevante verktøy for vurdering av risiko for underernæring
• Kan analysera og forholda seg kritisk til metodar for ernæringskartlegging, inkludert kost, næringsinntak og antropometri
• kan gje tilpassa og målretta ernæringsbehandling av fedme og diabetes mellitus i born, vaksne og eldre
• kan gje tilpassa og målretta grunnleggjande ernæringsbehandling av underernæring hos vaksne og eldre
• kan beherske grunnleggjande konsultasjonsteknikkar og kostrettleiing i møte med brukarar og pasientar
• kan anvenda fagleg kunnskap og bidra i tverrfaglig behandling innan rus og psykisk helse

Generell kompetanse: Studentane..

• kan anvenda sine kunnskapar og ferdigheiter til å gje kostråd til born og vaksne med fedme, diabetes mellitus og underernæring
• kan anvenda sine kunnskapar og ferdigheter i relasjons-, kommunikasjons- og veiledningskompetanse til å forstå og samhandla med brukarar, pasientar og pårørande