Hjem
Universitetet i Bergen

Religionsvitskap, årsstudium

Årsstudiet i religionsvitskap er retta mot deg som er nysgjerrig på faget – og også mot deg som allereie har ein grad og som ønsker undervisningskompetanse i religionsfag. Studiet tar for seg dei store religionane i verda, både historisk og i samtida vår. Du får kjennskap til religiøse handlingar, verdsoppfatningar og verdiar. Tilnærminga er samanliknande og religiøst nøytral.
  • Lengde1 år
  • OrdinærAlle
  • PrimærAlle
  • Plassar20
  • Studiepoeng60
  • StartHaust og Vår

Hovedinnhold

Kva lærer du? 

Milliardar av menneske identifiserer seg med ein religion. Religion er vevd inn i kunst og politikk, arbeidsliv og krigføring, økonomi og lovgiving, etikk og underhaldning. Du studerer sentrale tema frå dei store verdsreligionane og frå historiske religionar i Europa og Midtausten som er viktige for våre kulturforståingar.  

Med eit årsstudium i religionsvitskap får du:   

  • kunnskap om ulike religionar både historisk og i samtida vår 
  • innsikt i sentrale religionsvitskaplege spørsmål, omgrep og teoriar  

Studiekvardag 

Årsstudiet i religionsvitskap er eit fulltidstudium. Som fulltidstudent tar du 30 studiepoeng kvart semester. Du kan også velje å ta studiet på deltid. 

I tillegg til sjølvstudium aleine eller saman med medstudentar, kan ei typisk veke innehalde både forelesingar og seminargrupper. Undervisninga og pensum er på norsk og engelsk. Det vil variere litt frå semester til semester kor mange timar undervisning du har. Du vil typisk ha undervisning 6-10 timar i veka.  

Hos oss vil du møte engasjerte forelesarar med ei stor fagleg breidde. Fagmiljøet vårt har nasjonal og internasjonal spisskompetanse i ei rekke forskingsfelt.  

Som student hos oss vil du ha det meste av undervisninga på Nygårdshøyden, midt i Bergen sentrum. Du har tilgang til lesesalar, bibliotek, kollokvierom, treningssenter, kantine, kafear og studentbar på campus. På UiB finn du òg mange ulike studentorganisasjonar. Å vere med i ein studentorganisasjon er ei verdifull investering i studietida di - det gir deg mange erfaringar og venner for livet.   

Kva kan du jobbe som? 

På dette studiet lærer du om historiske kulturmøte og det fleirkulturelle samfunnet i dag. Du får større forståing for menneske med ulike bakgrunnar og for aktuelle samfunnsspørsmål.   

Du kan jobbe i mange ulike yrke, mellom anna i:   

  • administrasjon i offentleg sektor 
  • internasjonale organisasjonar 
  • innvandringsrelatert arbeid  
  • skolen 
  • kulturfeltet  
  • reiseliv  
  • media  

Opptakskrav og søknadsfrist 

Søknadsfristen er 15. april. 

Studiets oppbygging 

Studiet inneheld fire emne. Kvart emne er på 15 studiepoeng. Du tar to emne kvart semester.   

1. semester   

2. semester   

Studiet er under revisjon og emnesamansettinga kan endre seg til opptak haust 2024.

Sjå oversikt over alle emne

Utveksling 

Du kan ikkje reise på utveksling som student på årsstudiet i religionsvitskap. 

Vidare studiemoglegheiter 

Dersom du vil fortsette å studere, kan du søke om å byte studieprogram til bachelorprogrammet i religionsvitskap. Årsstudiet i religionsvitskap kan i sin heilskap inngå i bachelorprogrammet.  

I kombinasjon med mastergrad i eit anna skolefagkan eit årsstudium i religionsvitskap gi grunnlag for opptak til PPU (praktisk-pedagogisk utdanning).  

Spørsmål om studiet? 

Telefon: +47 55589370 

E-post: studierettleiar@ahkr.uib.no 

Studieplan 

Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.

Les heile studieplanen