Pedagogikk (årsstudium)

Årsstudiet gir deg ei grunnleggande innføring i dei mest sentrale områda i pedagogikkfaget. Her lærer du korleis vi kommuniserer og utviklar kunnskap, og kva betydning utdanning har for samfunnet.

Kva lærer du?

Årsstudiet i pedagogikk gir deg kompetanse som blant anna skolen og helsevesenet har bruk for. Studiet handlar om ulike perspektiv på læring og undervisning. Det kan vere faglege og etiske problemstillingar knytt til pedagogiske aktivitetar, pedagogiske grunnlagsspørsmål knytt til danning, rettferd og ulikskap, og utdanning i eit samfunn i endring. 

Du får ikkje ein grad (vitnemål) av å ta dette årsstudiet åleine, men det kan inngå som første året i ein bachelorgrad i pedagogikk eller som valfrie studiepoeng i ein bachelorgrad ved UiB.  

Studiekvardag

Undervisninga på årsstudiet går over to semester, haust og vår,. Som pedagogikkstudent blir du del av eit godt studiemiljø. Undervisninga består av forelesingar, seminargrupper, oppgåver og praktiske øvingar. Som student vil du halde til på campus i Bergen sentrum. Hovudbygget til Det psykologiske fakultet er Bjørn Christiansens hus i Christies gate 12. Der vil du finne lesesalar, undervisningsrom, grupperom og kantine.  

Kva kan du jobbe som?

Årsstudium i pedagogikk gir kompetanse som er relevant for arbeid i offentleg og privat sektor, for eksempel i skolen, ulike private bedrifter, ideelle organisasjonar og ulike delar av helsevesenet der pedagogisk fagkunnskap er etterspurt.  

Bygger du vidare med ein bachelorgrad eller mastergrad i pedagogikk, opnar det seg fleire karrieremoglegheiter, og du kan for eksempel jobbe  

  • som karriererettleiar 
  • som ruskonsulent 
  • i ideelle organisasjonar der pedagogisk fagkunnskap er etterspurt 
  • i media   
  • innan kulturformidling  
  • som opplæringsleiar  
  • som pedagogisk konsulent   
Opptakskrav og søknadsfrist
Tidlegare poenggrenser:
Ordinær kvote: 57.5
Primær kvote: 45.2

I primær kvote tel berre karakterpoeng og realfagspoeng/språkpoeng. Søkarar som ikkje fyller meir enn 21 år i opptaksåret og har eit førstegongsvitnemål, søker i denne kvota.

I ordinær kvote tel også forbetringar av fag, alderspoeng og tilleggspoeng. Du søker i alle kvotane du er kvalifisert for.

Opptakskrav: GENS

Du må dokumentere generell studiekompetanse utan tilleggskrav. Dette er eit krav for opptak til alle studieprogram.

For å søke dette studieprogrammet må du ha generell studiekompetanse.

Søknadsfrist: 15. april
Undervisningsspråk

Undervisningsspråk: Norsk

Studiets oppbygging

Under ser du den anbefalte oppbygginga av studiet. Namnet på emnet er lista opp først, etterfølgt av emnekoden og antal studiepoeng i parentes. 

1. semester  

PED110 Innføring i pedagogikk (15 studiepoeng)   

PED112 Pedagogiske perspektiv på læring (15 studiepoeng) 

2.  semester 

PED111 Pedagogisk filosofi (15 studiepoeng)  

PED113 Læring i og for arbeidslivet (15 studiepoeng)  

Utveksling

Det er ikkje mogleg å reise på utveksling på denne utdanninga. 

Vidare studiemoglegheiter

Dersom du tar dei fire emna i årsstudiet, kan du søke overgang til andre året på bachelorprogrammet i pedagogikk. Her finn du meir informasjon om bytte av studieprogram ved Det psykologiske fakultet

Spørsmål om studiet?

Telefonnummer: +47 55 58 27 10
E-post: info.psyfa@uib.no
Studieplan

Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.

Studieplan for Årsstudium i pedagogikk