Tysk (bachelor)

Som tyskstudent jobbar du praktisk med både tysk språk, lingvistikk (språkvitskap) og litteraturvitskap. Vi meiner at du lærer eit språk best ved å bruke det aktivt. Studiet inkluderer mykje obligatorisk undervisning slik at du, saman med medstudentar, får brukt språket. I litteraturdelen av programmet les du mange verk av spennande forfattarar frå 1750 til i dag. I undervisninga diskuterer vi tema knytt til tekstane vi les.

Med ein bachelorgrad i tysk har du:

• gode kunnskapar i tysk grammatikk og lydlære
• grunnleggande ferdigheiter i språkleg, kulturell og litterær analyse gjennom varierte skriftlege og munnlege øvingsoppgåver
• ei reflektert og sjølvstendig haldning til lærestoffet, gjennom analysar av språklege, litterære og kulturelle uttrykk i historisk og samfunnsmessig samanheng

Studiet tar utgangspunkt i at du har forkunnskapar, til dømes frå tyskundervisning på vidaregåande skole.

Bachelorprogrammet i tysk er eit studium på fulltid. I tillegg til sjølvstudium kan ei vanleg veke innehalde forelesingar, seminar, digitale oppgåver og praktiske øvingar. Eit par gongar i semesteret møtest studentar og tilsette til felles lunsj, gjerne med små innslag og aktivitetar.   

I andre semester kan du dra på eit tre-vekers studieopphald ved Det tysk-norske studiesenteret i Kiel. Opphaldet finn stad mellom siste undervisningsveka og eksamen. Her deltar du på ekskursjonar, besøker delstatsparlamentet Landtag og utfører intervju med ein sjølvvald person eller organisasjon. I løpet av studiet får du anledning til å vere minst eitt semester på utveksling ved eit tyskspråkleg universitet.  

Som student hos oss har du det meste av undervisninga på Nygårdshøyden midt i Bergen sentrum.

Bachelorstudiet i tysk skjerpar kunnskapane dine i munnleg og skriftleg tysk.

Noko av det som kan vere aktuelt for deg som har ein bachelor i tysk, er:

• skoleverket 
• forlagsbransjen, for eksempel som omsettar eller redaktør
• diplomatiet, for eksempel på aspirantkurset til Utanriksdepartementet, som kan føre deg til ambassaden i Berlin
• departementa, for eksempel som tolk, konsulent eller rådgjevar
• media, for eksempel som journalist eller korrespondent
• næringslivet, både i Norge og i tyskspråklege land
• internasjonale relasjonar

Du må dokumentere generell studiekompetanse utan tilleggskrav. Dette er eit krav for opptak til alle studieprogram.

Undervisningsspråk: Norsk and tysk

Studiet tar utgangspunkt i at du har forkunnskapar, til dømes frå tyskundervisning på vidaregåande skole.

Bachelorprogrammet i tysk er eit treårig fulltidsstudium. Du finn detaljert vekeplan og anbefalt litteraturliste på emnesidene.   

Studieløpet kan sjå slik ut:   

1. semester

Examen Philosophicum (10 studiepoeng) 

Språkkunnskap (10 studiepoeng) 

Introduksjon til tyskstudiet  (10 studiepoeng)  

2. semester

Grunnemne i tysk språk I (10 studiepoeng)  

Tyskspråkleg kultur og historie (10 studiepoeng)  

Nyare tyskspråkleg litteratur (10 studiepoeng)  

Undervisninga i delar av Grunnemne i tysk språk og Tyskspråkleg kultur kan du følge ved Universitetet i Kiel.   

3. semester

 Grunnemne i tysk språk II (10 studiepoeng)  

 Eldre tyskspråkleg litteratur (10 studiepoeng)  

 Samanliknande europeiske kulturstudium (10 studiepoeng)   

4. semester

Fordjuping i tysk språk (10 studiepoeng)

Fordjuping i tyskspråkleg litteratur (10 studiepoeng)

Bacheloroppgåve i tysk (10 studiepoeng)

5. semester

Utveksling til eit tyskspråkleg universitet

6. semester

Frie emne – vel blant alle opne emne ved UiB eller utveksling (30 studiepoeng) 

Alle studentar på programmet kan dra på utveksling til eit tyskspråkleg universitet. Vi anbefaler at du drar på utveksling  i 5. semester, men andre tidspunkt er også mogleg. Du kan vere ute i eitt eller to semester. 

Eit utvekslingsopphald gir deg verdifull kulturell erfaring og språkleg trening. 

Sjå anbefalte utvekslingsavtalar

UiB tilbyr masterprogram i tysk, om du ønsker vidare studium hos oss.

Studieplan for Bachelorprogram i tysk