Barnevernsarbeid - heltid og deltid (master)

Master i barnevernsarbeid gir deg kunnskap om korleis ulike individuelle og samfunnsmessige forhold påverkar kvardagen og framtida til barn, unge og deira familiar. Du lærer også om korleis du kan møte barn og familiar på ein respektfull og hjelpsam måte, for eksempel som tilsatt i barnevernet eller  miljøterapeut på barnevernsinstitusjon. Studiet gir kompetanse til å kartlegge behov og moglegheiter, samt sette i gang tiltak i tett samarbeid med individ, institusjonar og lokalsamfunn. Studiet vektlegg betydninga av å jobbe ressursbasert, som handlar om å bygge på  ressursane som allereie finnes individuelt og lokalt samt løyse utfordringar saman med dei det gjeld. 

Etter fullført studium skal du kunne bidra til å forebygge utanforskap og fremme velferd, helse og deltaking for barn, unge og familiar i vanskeleg livssituasjonar. 

Master i barnevernsarbeid er eit fulltidsstudium på 2 år, med moglegheit for deltid. Undervisninga er samlingsbasert. Da kombinerer vi forelesningar med meir aktive læringsformer, som seminar og sjølvstendig oppgåveløysing. For å knytte samen teori og praksis jobbar vi med refleksjon rundt kasus og ulike former for ferdighetstrening (eksempelvis kommunikasjon, utredning, evaluere tiltak). 

I praksisemnet (tredje semester) får du erfaring med å arbeide saman med barn og familiar og med utviklingsarbeid på systemnivå. Den planlagde undervisninga utgjer berre ein del av studietida di i løpet av ei veke, resten av tida må du sjølv ta ansvar for lesing av pensum og førebuingar til undervisninga. 

Undervisninga er i hovudsak på norsk, men ein del er på engelsk. Litteraturen er både norsk og engelsk. Vi holder til i Alrek Helseklynge, men undervisninga kan også finne stad i andre lokalar ved UiB.

Med master i barnevernsarbeid kan du kvalifisere for arbeid i ulike delar av barnevernsfeltet samt arenaer der barn, unge og familiar i utsette livssituasjonar oppheld seg. Eksempel på individretta arbeid kan vere barnevernstenester, barnevernsinstitusjon, psykisk helse, kriminalomsorg, barnehage og skole. Med ein master i barnevernsarbeid ved UiB får du kompetanse til å jobbe med systemretta arbeid, som evaluering, utvikling av fagsystem, prosjektleiing knytt til innovasjon og førebygging i ulike stillingar.

Dei fleste studentar frå land utanfor EU/EEA/Sveits må betale studieavgift, men det finns unntak.

Sjå korleis du reknar ut karaktersnittet ditt

For å søke dette studieprogrammet må du oppfylle:

dei generelle opptakskrava for master på UiB
dei spesielle opptakskrava for dette studiet

Undervisningsspråk: Norsk and engelsk

Masterprogrammet i barnevern er i hovudsak eit fulltidsstudium som går over fire semester og består av seks obligatoriske emne på 15 studiepoeng og eit masteroppgåveemne på 30 studiepoeng, men man kan også ta studiet på deltid over 3 eller 4 år. Det kan og vere mogleg å innpasse relevant vidareutdanning. For meir informasjon ta kontakt med instituttet.

Studiet på fulltid:

1. semester 

MABVA401 Ulike perspektiv på barn og familiar i utsette livssituasjonar (15 studiepoeng) 

MABVA402 Barnevernet sine beslutningsprosessar og rettslære (15 studiepoeng) 

2. semester 

HEM303 Qualitative Methods and Research Planning (15 studiepoeng) eller HEM304 Quantitative Methods and Research Planning (15 studiepoeng)  

MABVA317 Childhood and parenting in diverse contexts (15 studiepoeng) 

3. semester 

MABVA431 Innovasjon, tiltak og prosjektplanlegging (15 studiepoeng) 

MABVA432 Praktisk barnevernsarbeid på system- og individnivå (15 studiepoeng) 

4. semester 

MABVA450 Masteroppgåve i barnevernsarbeid (30 studiepoeng)  

For forslag til deltidsstudieløp, sjå her. 

Det er ikkje mogleg med utveksling på dette studiet.

Med ein mastergrad i barnevernsarbeid får du kvalifikasjonar for vidare forsking, formidling og undervisning på høgare nivå. Du kvalifiserar til vidare ph.d.-utdanning ved Det psykologiske fakultet.
Les meir om phd-programmet her

Studieplan for Masterprogram i barnevernsarbeid