Informatikk: Datasikkerheit, bachelor, 3 år
- Lengde3 År
- Ordinær53
- Primær46,9
- Plassar44
- OpptakskravMATRS
- Studiepoeng180
- StartHaust
Hovedinnhold
Velkommen til studiestart ved Det matematisk-naturvitskaplege fakultet (MatNat)!
Påmelding til undervisning (IGANG): Etter at du har takka ja til studieplass skal du registrere deg til undervisning via IGANG. Du blir då registrert til emne som du skal ha undervisning og ta eksamen i haust. Når du registrerer deg, vel du samstundes om du vil delta i mentor- og faddergruppe. Frist for å registrere deg i IGANG er 24. juli.
Oppfriskingskurs i matematikk: I veke 32 tilbyr me oppfriskingskurs i matematikk. Kurset er frivillig, men vi tilrår deg å melde deg på og delta på dette.
Bli klar som student: Meir informasjon om det du treng å vite før studiestart, finn du i UiBtreet. I slutten av juli fekk du ein e-post med lenke og informasjon om korleis du får tilgang. Før du får tilgang, kan du halde deg oppdatert på «Velkommen som ny student». Dersom du melder deg på mentorordninga, vil mentoren din ringe deg i veke 32 for å ynskje deg velkommen. Mentoren din kan også svare på enkle studierelaterte spørsmål.
Frammøte: Studiestart er måndag 12. august kl. 08.45 på Realfagsbygget. Vi tilrår at du møter.
Studieprogrammøte for nye studentar i veke 33 er obligatorisk. Finn tid og stad for møtet.
Har du spørsmål? Ta kontakt med informasjonssenteret på 55 58 30 30 eller studie.matnat@uib.no.
Følg oss på sosiale medier:
@realfaguib på Instagram og TikTok!
@fadderstyretmatnat på Instagram
Ny realfagstudent ved UiB
Kva lærer du?
I løpet av utdanninga
- lærer du om dei vanlegaste sikkerheitsutfordringane og sårbarheitene i data- og kommunikasjonssystem
- får du erfaring med ulike metodar og programvarer for å utvikle robuste og sikre system mot desse utfordringane
Studiekvardag
Bachelorstudiet i informatikk: datasikkerheit er eit studium på fulltid, det vil seie at du bruker om lag like mykje tid på studia som på ein full jobb.
I løpet av ei typisk veke vil du ha seks forelesingar og tre seminargrupper. Undervisninga og litteraturen er på norsk og engelsk. Vi held til på Høyteknologisenteret, der vi har eigne lesesalar for informatikkstudentar. Her kan du studere aleine eller saman med medstudentar. Du kan òg sitte på Realfagsbiblioteket.
Studentane på Institutt for informatikk har ei eiga linjeforeining som blant anna organiserer faglege og sosiale arrangement.
Kva kan du jobbe som?
Det er stor mangel på spesialistar innan IT-sikkerheit, så det er gode mogelegheiter til å få jobb med denne utdanninga, både i Noreg og i utlandet. Du kan for eksempel jobbe med
- etisk hacking
- militær eller nasjonal sikkerheit
- konsulentverksemd
- utvikling av sikre datasystem
Opptakskrav og søknadsfrist
Generell studiekompetanse og MATRS:
Matematikk R1 eller Matematikk S1 og S2.
Søknadsfristen er 15. april. Søk her
Studiets oppbygging
Bachelorprogrammet i informatikk: datasikkerheit er eit treårig fulltidsstudium som startar i august.
Du finn detaljert vekeplan og litteraturliste på emnesidene.
Slik er studiet lagt opp:
1. semester
- Introduksjon til datatryggleik (10 studiepoeng)
- Innføring i programmering (10 studiepoeng)
- Grunnkurs i matematikk I (10 studiepoeng) eller Brukarkurs i matematikk I (10 studiepoeng)
2. semester
- Datanett (10 studiepoeng)
- Objektorientert programmering (10 studiepoeng)
- Diskrete strukturar (10 studiepoeng)
3. semester
- Grunnkurs i statistikk (10 studiepoeng)
- Algoritmar, datastrukturar og programmering (10 studiepoeng)
- Innføring i operativsystem (10 studiepoeng)
4. semester
- Anvendt kryptografi (10 studiepoeng)
- Examen philosophicum - enten seminarmodell eller skoleeksamen (10 studiepoeng)
- Lineær algebra (10 studiepoeng)
5. semester
- Avansert cybersikkerheit 10 studiepoeng)
- Multiprogrammering (10 studiepoeng)
- Programvaresikkerheit (10 studiepoeng)
6. semester
Utveksling
Benytt sjansen til å studere eit år eller halvår ved eit anna universitet i utlandet. Vi anbefaler at du reiser på utveksling i det sjette semesteret. Du kan reise til våre samarbeidsuniversitet i Austerrike, Spania, Tyskland eller ein annan plass.
Sjå anbefalte utvekslingsavtaler
Vidare studiemoglegheiter
Etter bachelorprogrammet kan du ta eit toårig masterprogram i programutvikling eller informatikk. Vel mellom sju studieretningar – herunder sikker og påliteleg kommunikasjon – eller masterprogram i programutvikling ved Institutt for informatikk.
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.