Matematikk (bachelor)

I løpet av studietida får du 

• grunnleggande kunnskapar i matematisk analyse, lineær algebra, abstrakt algebra og topologi
• valfridom til å fordjupe deg i dei delar av matematikken du finn mest interessant,  eller bruke dei mange valfaga til å kombinere matematikk med for eksempel fysikk, informatikk, andre realfag eller fag frå andre fakultet
• solid kjennskap i å lese og forstå matematiske tekstar og å skrive eit eige prosjektarbeid innan eit valfritt tema
• eit godt utgangspunkt for vidare masterstudium innan fleire greiner av matematikk eller andre realfag
• ein ettertrakta analytisk kompetanse for arbeidslivet som kan brukast innanfor mange ulike bransjar, som for eksempel teknologi, økonomi, kunst, marknadsføring, forsking eller medisin 

Du tilhøyre matematisk institutt, der du blir del av eit godt studiemiljø. Matematisk institutt har ei studentforeining som organiserer sosiale aktivitetar som spelkveldar, hytteturar, idrettsarrangement og eksamensfester.

Studentane trivst med fridomen i studiekvardagen og hjelper kvarandre og jobbar gjerne saman i mindre grupper. Det er mogleg å ta delar av graden i utlandet gjennom mange utvekslingsavtalar.

Bachelorprogrammet er et fulltidsstudium, med 18-24 timar undervisning i forelesingar og seminar. I tillegg må du rekne med sjølvstudium og gruppeoppgåver, der eldre studentar kan hjelpe deg.

Som ny student blir du med i ei mentorgruppe med to erfarne mentorar. I møta diskuterer du studieteknikkar og studentliv, og blir godt kjent med medstudentane. Dette hjelper deg å forstå universitetslivet og bli tryggare som student.

Matematikarar jobbar i verksemder og i offentleg sektor der ein arbeider med tal og treng analytisk forståing. Matematiske modellar og metodar vert nytta i mange samanhengar.  

Til dømes innan: 

• konsulentverksemd som SAFETEC, Itera, Det Norske Veritas AS og Oliver Wyman. I roller som involverer modellering, dataanalyse eller bruk av kunstig intelligens
• bank, finans og forsikring
• forsking og undervisning på universitet, lærar- og ingeniørhøgskular og i forskingsinstitutt (Til dømes: Institutt for matematikk eller informatikk, Havforskingsinstituttet og Norsk reknesentral)
• kryptografi og sikkerheit

Generell studiekompetanse og Matematikk R1 (eller S1 og S2) og R2. I tillegg anten:

• Fysikk 1 og 2
• Kjemi 1 og 2
• Biologi 1 og 2
• Informasjonsteknologi 1 og 2
• Geofag 1 og 2
• Teknologi og forskingslære 1 og 2

Undervisningsspråk: Norsk

Slik kan studiet sjå ut:   

1. semester:    

INF100 – Innføring i programmering (10 studiepoeng)  

MAT111 – Grunnkurs i matematikk I (10 studiepoeng)  

MAT100 – Innføringsemne i matematikk **(10 studiepoeng) 

2. semester:    

MAT112 – Grunnkurs i matematikk II (10 studiepoeng)  

MAT121 – Lineær algebra (10 studiepoeng)  

Valfritt emne (10 studiepoeng)  

3. semester:   

MAT211 – Reell analyse (10 studiepoeng)  

MAT212 – Funksjonar av fleire variable (10 studiepoeng)  

Valfritt emne (10 studiepoeng)  

4. semester: 

MAT220 – Algebra (10 studiepoeng) 

MAT213 – Komplekse funksjonar* (10 studiepoeng) 

EXPHIL-MNSEM – Examen philosophicum, seminarmodell (10 studiepoeng)  

5. semester:  

MAT224 – Kommutativ algebra* (10 studiepoeng) 

MAT242 – Topologi* (10 studiepoeng) 

Valfritt emne (10 studiepoeng)  

6. semester:   

MAT292 – Prosjektarbeid i matematikk (10 studiepoeng)  

MAT243 – Mangfaldigheiter* (10 studiepoeng)  

Valfritt emne (10 studiepoeng)  

* Berre eitt av emna trengst for å oppnå ein bachelorgrad i matematikk, men alle fire er anbefalt. Minst to av emna trengst for opptak til master i Matematikk.  

** Innføringsemne, men ikkje obligatorisk for graden/spesialiseringa

Du kan reise på utveksling som del av dette studieprogrammet. Fjerde, femte og/eller sjette semester er best eigna for utanlandsopphald. Vi har utvekslingsavtalar med universitet i USA, Tyskland, Italia, Spania, Frankrike, England, Nederland, Austerrike og Danmark. 

Sjå anbefalte utvekslingsavtalar

Ei naturleg fortsetting på bachelorstudiet er masterprogrammet i matematikk. Du vil vere kvalifisert til ei rekke andre masterprogram også, avhengig av valemna i bachelorgraden din. Med ein mastergrad blir du meir attraktiv på arbeidsmarknaden.

Studieplan for Bachelorprogram i matematikk