Praktisk-pedagogisk utdanning (PPU), årsstudium
- Lengde1 År
- Plassar91
- Studiepoeng60
- StartHaust
Hovedinnhold
Velkomen til studiestart på praktisk-pedagogisk utdanning, eit studium ved Det psykologiske fakultet!
Obligatorisk velkomstmøte:
- Tid: Måndag 12. august kl. 12.30
- Stad: Auditorium 129 i Bjørn Christiansens hus, Christies gate 12
NB: Dersom du ikkje kan kome på velkomstmøtet, må du melde frå skriftleg så snart som råd til info.psyfa@uib.no og dokumentere gyldig fravær. Manglande oppmøte kan elles føre til at du mister studieplassen.
Ta med: Ta med deg noko å skrive på og med.
Bli klar som student: Meir informasjon om det du treng å vite og gjere før studiestart, finn du på Ny student-siden.
Krav til politiattest: Du må vise fram politiattest ved studiestart. Politiattesten søker du om på studentweb.uib.no, etter du har aktivert brukarkontoen. Du får politiattesten innan to veker frå politiet fekk søknaden viss du har oppretta digital postkasse. Politiattesten lastar du opp til UiB innan 1. september.
OBS! Har du vore på eit lengre opphald i eit land med høg tuberkoloseførekomst? Sjekk om du må teste deg her: Tuberkolosetesting.
Har du spørsmål? Ta kontakt med informasjonssenteret på 55 58 27 10 eller info.psyfa@uib.no.
Kva lærer du?
PPU er eit eittårig fulltidsstudium på 60 studiepoeng som består av pedagogikk, fagdidaktikk og praksis i skulen.
Det viktigaste du lærer er å undervise, å ivareta elevane og å sjå og verdsetje kvar og ein av dei. Med denne utdanninga får du blant anna:
- kunnskap om korleis du leier og legg til rette for god fagleg og sosial læring
- kunnskap om korleis du planlegg, gjennomfører og reflekterer over undervisning basert på forsking og erfaring
- lære om korleis du bygger gode relasjonar til elevar og føresette, og å samarbeide med aktørar som er relevante for skoleverket
- kunnskap om korleis vi kan ivareta mangfaldet i skolen og i den enkelte elevgruppa
Meir informasjon under
Hvilken lærer har inspirert deg?
Studiekvardag
Du har vanlegvis to seminar og to forelesingar i pedagogikk i veka, utanom praksisperiodane. Seminara er obligatoriske. I fagdidaktikkemna vil arbeids- og undervisningsformene variere etter kva emne du tar. Her vil også omfanget av obligatorisk undervisning variere.
Du har 30 dagar obligatorisk praksisopplæring ved ein skole begge semestera, vanlegvis både på ungdomstrinnet og i vidaregåande skole. Du får tildelt praksisplass.
Denne utdanninga er utfordrande og arbeidskrevjande, men samtidig veldig lærerik. Gjennom undervisninga, oppgåvearbeid og praksis blir du godt kjent med medstudentane dine. Du får tett oppfølging av engasjerte fagpersonar, både i undervisninga og i praksisopplæringa.
Kva kan du jobbe som?
Med fullført PPU er du kvalifisert til å undervise frå 5. til 13. trinn i skulen. Studiet er særleg retta mot arbeid i ungdomsskulen og vidaregåande opplæring, inkludert vaksenopplæringa.
Det er eit stort behov for kvalifiserte lærarar i norsk skole. Yrket gir jobbmoglegheiter over heile landet.
Utdanninga opnar òg for andre yrkesvegar der kombinasjonen av formidlingskompetanse og pedagogisk kompetanse er attraktiv.
Meir informasjon under
Opptakskrav og søknadsfrist
Her finn du utfyllande informasjon om opptakskrav til PPU og korleis du søker opptak til studiet.
Søknadsfristen er 15. april.
Studiets oppbygging
1. semester
- Praktisk pedagogikk - pedagogikk 1. semester (PEDA101, 15 studiepoeng)
- Fagdidaktikk (15 studiepoeng)
- Praksis PPU 1. semester (PPUPRA101)
2. semester
- Praktisk pedagogikk - pedagogikk 2. semester (PEDA102, 15 studiepoeng)
- Fagdidaktikk (15 studiepoeng)
- Praksis PPU 2. semester (PPUPRA102)
Utveksling
Det er ikkje mogleg å reise på utveksling på denne utdanninga.
Vidare studiemoglegheiter
Etter å ha fullført praktisk-pedagogisk utdanning kan du bygge på og få undervisningskompetanse i andre fag. Det finst òg moglegheiter for etter- og vidareutdanning, blant anna innan spesialpedagogikk, skoleleiing og kollegarettleiing.
Spørsmål om studiet?
Tlf: +47 55 58 27 10
E-post: info.psyfa@uib.no
Studieplan
Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.