Kinesisk (bachelor)

Med ein bachelorgrad i kinesisk får du kunnskapen du treng for å kommunisere med over 1,4 milliardar menneske. På studiet lærer du òg om kinesisk historie og kultur, og du blir i stand til å kommunisere både i akademiske og kvardagslege samanhengar.   

Med denne utdanninga:  

• har du grunnleggande kunnskapar i kinesisk grammatikk og lydlære   
• kan du lese og forstå nærmare 2000 ord og 800 skriftteikn, og skrive minst 350 skriftteikn   
• kan du kommunisere på kinesisk på mellomnivå 
• har du grunnleggande kunnskap om kinesisk samfunn og historie 

Bachelorprogrammet i kinesisk er eit studium på fulltid. Hos oss blir du ønska velkommen til eit nært og oppmuntrande miljø, med tett kontakt mellom studentar og forelesarar. Undervisninga og litteraturen er på norsk, engelsk og kinesisk.  

I tillegg til sjølvstudium som lesing og samarbeid med medstudentar, kan ei typisk veke ha rundt 10 timar med undervisning i form av forelesingar og seminargrupper. Det er obligatorisk oppmøte til undervisninga på kinesiskemna (faga).  

Som student hos oss vil du ha det meste av undervisninga  på Nygårdshøyden midt i Bergen sentrum. Du har tilgang til lesesalar, bibliotek, kollokvierom, treningssenter, kantine, kafear og studentbar på campus. På UiB finn du òg mange ulike studentorganisasjonar. Å vere med i ein studentorganisasjon er ei verdifull investering i studietida di - det gir deg mange erfaringar og venner for livet.

Det er stort behov for kunnskapar i kinesisk språk, historie, kultur og sosial utvikling. Med ein bachelorgrad i kinesisk har du jobbmoglegheiter innan blant anna   

• språkutdanning 
• media 
• forlag  
• omsetting  

Du kan òg gå vidare med studia ved å ta ein mastergrad i kinesisk, og deretter drive forsking på kinesisk språk og kultur. 

Du må dokumentere generell studiekompetanse utan tilleggskrav. Dette er eit krav for opptak til alle studieprogram.

Undervisningsspråk: Norsk, engelsk and kinesisk

Bachelorprogrammet i kinesisk er eit treårig fulltidsstudium med oppstart i august.    

Studiet kan sjå slik ut:      

1. semester

Examen philosophicum, anten skuleeksamen eller seminarmodell (10 studiepoeng)   

Språkkunnskap (10 studiepoeng)  

Kultur, historie, samfunn og språk i Kina (10 studiepoeng)   

2. semester

Innføring i kinesisk språk 1 (15 studiepoeng)  

Kinesisk språk 2 (15 studiepoeng)  

3. semester

Kinesisk språk 3 (15 studiepoeng)  

Kinesisk språk 4 (15 studiepoeng)  

4. semester

Kinesisk språk 5 (15 studiepoeng)  

Bacheloroppgåve i kinesisk (15 studiepoeng)  

5. semester

Frie emne – vel blant alle opne emne ved UiB eller utveksling (30 studiepoeng)   

6. semester 

Frie emne – vel blant alle opne emne ved UiB eller utveksling (30 studiepoeng)   

Eit utvekslingsopphald gir verdifull kulturell erfaring, språkleg trening, ny fagleg innsikt og opplevingar for livet. Vi gir deg råd og legg godt til rette for at du skal få dra på utveksling i løpet av studiet. Du kan reise til høgt anerkjende kinesiske universitet i femte og/eller sjette semester. Det er òg mogleg å reise på utveksling tidlegare i studiet.

Sjå anbefalte utvekslingsavtalar

Etter bachelor i kinesisk kan du søke deg vidare til masterprogrammet i kinesisk ved Universitetet i Bergen, liknande masterprogram ved Universitetet i Oslo eller i utlandet.

Studieplan for Bachelorprogram i kinesisk