Politikk og forvaltning (årsstudium)

Politikk og forvaltning er studiet av politikk og demokrati, av rollene til stat og forvaltning, og av det organiserte samfunnslivet generelt.

Kva lærer du?

Årsstudiet i politikk og forvaltning  gir 60 studiepoeng fordelt på to semester.  Det er eit spesialisert statsvitskapleg fag der du lærer om samanhengen mellom politikk, forvaltning og organisering i demokratiet.

Vi er opptatt av samfunnet si politiske organisering og styringsformer, korleis grunnlaget deira vert utvikla og endra, og kva slags konsekvensar dette har. Vi drøftar for eksempel 

  • korleis utforme og sette i verk offentleg politikk? 
  • Korleis blir innhald og organisering av offentleg politikk til? 
  • Kva konsekvensar har innhald og organisering av offentleg politikk for verdifordelinga i samfunnet? 

På årsstudiet får du blant anna:  

  • kjennskap til sentrale idear, teoriar og kunnskapsområde innafor faget 
  • analytisk og metodisk kompetanse og forståing for ein vitskapleg arbeidsmåte 
  • ei kritisk haldning til forskingsresultat og samfunnsdebattar
Studiekvardag

Årsstudiet i politikk og forvaltning er eit studium på fulltid. Det vil seie at du bruker om lag like mykje tid på studia som på ein full jobb. Du tar 30 studiepoeng kvart semester. I tillegg til sjølvstudium som lesing og kollokviegrupperkan du i ei vanleg veke ha 10-12 timar med forelesingar og seminargrupper. Undervisninga og litteraturen er på norsk og engelsk. Du finn timeplan og litteraturliste på emnesidene.

Du vil høyre til Det samfunnsvitskapelege fakultet, der du finn både lesesalar, studentkafear og bibliotek. Undervisninga vil hovudsakleg gå føre seg i Laurits Meltzers hus (SV-bygget) og Ulrike Pihls hus.

Kva kan du jobbe som?

Årsstudiet passer for deg som vil utfylle tidlegare utdanning eller som vil studere i berre  eitt år. Spesialisering i politikk og forvaltning gir undervisningskompetanse i samfunnsfag i ungdomsskolen og vidaregåande skole.  

Årsstudiet er også eit viktig og nyttig springbrett inn i vidare utdanning og karrierevegar som krev kunnskap om politikk og samfunn og organisasjoner sin verkemåte.

Opptakskrav og søknadsfrist
Opptakskrav: GENS

Du må dokumentere generell studiekompetanse utan tilleggskrav. Dette er eit krav for opptak til alle studieprogram.

Søknadsfrist: 15. april
Undervisningsspråk

Undervisningsspråk: Norsk

Studiets oppbygging

Studiet går over eitt år (to semester) og startar i august. Du vel årsstudium med innføringsemne eller spesialiseringsemne ut frå kva for bakgrunn du har. 

 

Årsstudium med innføringsemne

Årsstudium med innføringsemne passar for deg som ikkje har studert før. Dette er det same som første året i bachelorstudiet i politikk og forvaltning:  

1.semester 

GOV100 – Innføring i politikk og forvaltning (20 studiepoeng) 

Examen philosophicum – seminarmodell eller skoleeksamen (10 studiepoeng)

2.semester 

GOV112 – Organisasjonsteori (10 studiepoeng) 

GOV113 – Norsk politikk (10 studiepoeng) 

MET103 – Kvalitativ samfunnsvitskapleg metode (10 studiepoeng)  

 

Årsstudium med spesialiseringsemne

Årsstudium med spesialiseringsemne passar for deg som har studert før og som vil komplettere tidlegare utdanning eller skaffe deg undervisningskompetanse i samfunnsfag i ungdomsskolen og vidaregåande skole.  

1.semester

GOV114 – Politisk teori og styreformer (10 studiepoeng)  

MET104 – Kvantitativ samfunnsvitskapleg metode (10 studiepoeng)

Eit av emna: 

GOV108 – Climate Policy (10 studiepoeng)

GOV115 – EU og internasjonale organisasjonar (10 studiepoeng)

GOV116 – Rett og politikk (10 studiepoeng)

2.semester

GOV112 – Organisasjonsteori (10 studiepoeng)

GOV113 – Norsk politikk (10 studiepoeng)

MET103 – Kvalitativ samfunnsvitskapleg metode (10 studiepoeng)

Utveksling

Det er ikkje mogleg å reise på utveksling på årsstudium.

Vidare studiemoglegheiter

Årsstudiet er ikkje eit grads- eller vitnemålsgivande studium, men du kan bruke det som del av bachelorgraden i politikk og forvaltning. Du kan søke om intern overgang dersom du vil studere meir.

Spørsmål om studiet?

Telefonnummer: +47 55 58 98 50
E-post: studierettleiar.svfa@uib.no
Studieplan

Ein studieplan er eit formelt dokument mellom deg som student og Universitetet i Bergen. Studieplanen skal gi tydelege rammer for studiet, beskrive læringsmåla du skal oppnå og korleis studiet er bygd opp.

Studieplan for Årsstudium i politikk og forvaltning