Linköpings universitet og Institutt for økonomi (ERASMUS+)

Om avtalen

Kven kan søke

Studentar på Institutt for økonomi kan søke.

Når i studiet kan eg reise

Studentane må ha fullført 60 studiepoeng før avreise. Studentar ved bachelorprogrammet i samfunnsøkonomi vert råda til å dra på utveksling i 4. semester. Studentar ved profesjonsstudiet i samfunnsøkonomi vert råda til å dra på utvekslinga i 4. semester.

Masterstudentar blir råda til å reise ut i sitt 2. semester, når ein kan ta valemne på masternivå i samfunnsøkonomi.

Språk

Undervisningsspråk er svensk og engelsk.

Universitetet tilrår at du har språkkunnskapar tilsvarande B2-nivå (CEFR) i engelsk. Nokre av fakulteta krev dokumentasjon eller språktest i engelsk før studiestart. Sjå krav som gjeld under "Application procedure by Faculty".

Kva emne kan eg ta

I utgangspunktet skal du studere økonomi, men det kan og vere mogleg å ta andre emne i ulike fagfelt og språkkurs. På denne nettsida finn du ein oversikt over kva emnar Linköpings Universitet tilbyr.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Linköpings universitet blei grunnlagt i 1975, og har i dag 27 500 studentar. Universitetet er delt i fire: Hälsouniversitetet , Filosofifakulteten, Linköpings tekniska högskola og avdeling for Utbildningsvetenskap. Ein stor del av fagtilbodet er profesjonsutdanningar. Det har fire campusar. Campus Valla er størst, og ligg tre kilometer unna Linköping, dernest følgjer campusen i nabobyen Norrköping. Universitetssjukehuset ligg i Linköping sentrum og Campus Carl Malmsten Furniture Studies på Lidingö, utanfor Stockholm.

Linköping har om lag 150 000 innbyggarar, og ligg i det svenske innlandet, midt mellom Austersjøen og innsjøen Vättern. Byen er blant anna kjend for å ha mange høgteknologibedrifter. Kommunen er òg aktiv når det kjem til miljøpolitikk, og tek sikte på å bli ein klimanøytral kommune innan 2025.

Bustad

Det finst studentbustader både ved campusen i Linköping og campusen i Norrköping. Det er òg gode sjansar for å finne rimeleg prisa bustad på den private marknaden i begge byane.

Semesterinndeling

August - januar og januar - juni.