Enorm interesse for samfunnsøkonomi ved UiB
Søkjartala til samfunnsøkonomi har auka med heile 49% samalikna med fjoråret. Stadig fleire studentar kjempar om studieplassar i økonomifaget ved Universitetet i Bergen.
![Institutt for økonomi har hatt ei solid auke i studentar som vil studere samfunnsøkonomi.](https://www.uib.no/sites/w3.uib.no/files/styles/content_main/public/media/prfil_aa_studere_0.jpg?itok=NyK046-L×tamp=1579193000)
Main content
Dei ferske søkjartala frå Samordna opptak viser at samfunnsøkonomi er eit svært populært fag blant studentane. I snitt har primærsøkjarar til alle studieprogramma ved Institutt for økonomi auka med 49%, men størst framgang har årsstudiet i samfunnsøkonomi hatt med ei auke på heile 62% i forhold til fjoråret.
Auke på alle nivå
I tillegg har masterprogrammet i samfunnsøkonomi ei auke i primærsøkjarar på 8% samanlikna med 2014. Instituttleiar ved Institutt for økonomi, professor Jan Erik Askildsen, er svært godt nøgd med søkjartala.
- Det er svært gledelig at studentene finner våre studieprogram interessante og nyttige. Studentene gir uttrykk for tilfredshet med vår undervisning, og vi legger stor vekt på å møte studentene med forelesere som tilbyr spennende og ikke minst faglig utviklende undervisning, sier Askildsen og peker på at bachelorprogrammet i samfunnsøkonomi har fått svært god score i Studiebarometeret 2014.
Nyttig kompetanse for arbeidslivet
I ein artikkel i Bergens Tidende peikar rektor Dag Rune Olsen ved UiB på at den auka pågangen til økonomi kan ha samanheng med utsiktene på arbeidsmarknaden. Askildsen meiner arbeidsmarknad er eit viktig stikkord.
- Økonomi et fag som gir både spesifikk og generell kompetanse, som kan vise seg svært nyttig i et tøft arbeidsmarked. Våre studenter lærer økonomi, og blir derved i stand til å jobbe med spesifikke økonomiske problemstillinger. Samfunnsøkonomi er i tillegg et fag der studentene får utviklet en analytisk kompetanse, som kan brukes i rekke ulike jobbsituasjoner både i offentlige, private og ideelle virksomheter.
Studietilbod i samfunnsøkonomi ved UiB
Universitetet i Bergen tilbyr følgjande fag i samfunnsøkonomi:
Du kan også ta årsstudium i samfunnsøkonomi.