Farmasiseminar med open gjesteførelesing
Senter for farmasi inviterer til gjesteførelesinga “Compaction of granular solids and implications for the formulation and manufacturing of tablets” med Göran Alderborn, professor ved Uppsala Universitet. Alle interesserte er velkomne.
Hovedinnhold
I samband med det årlege seminaret kor ulike fagmiljø presenterer aktuelle område for masteroppgåver i farmasi, inviterer Senter for farmasi til ei open gjesteførelesing innanfor feltet galenisk farmasi - tilverking av legemiddel.
Göran Alderborn er professor i farmasøytisk teknologi ved Uppsala Universitet. Han har publisert rundt 100 vitskaplege artiklar og bidratt til fleire bøker innanfor farmasifeltet. Han har stor kunnskap innanfor teknologien og fysikken bak faste legemiddelformer som til dømes tablettar. I si gjesteførelesing “Compaction of granular solids and implications for the formulation and manufacturing of tablets” får vi høve til å høyre om den nyaste kunnskapen innanfor dette feltet.
Gjesteførelesinga finn stad 8. februar 2013, kl. 10.45, i Auditoriet på Vil Vite (2. etasje), Thormøhlensgate 51. Kalenderoppslag finn du her.
