naf-konferansen 2021
Vellykka NAF-konferanse 2021!
25.-26. november gjekk årskonferansen til Norsk antropologisk forening av stabelen, i år arrangert av fagmiljøet i Bergen. Sjå bileta frå NAF-konferansen 2021 her!
Leiar for konferansekomitéen 2021, Synnøve Bendixsen og Antonio De Lauri, ønskjer ein stappfull Terminus Hall velkommen til NAF-konferansen 2021.
Foto/ill.:
Nina Bergheim Dahl
Første stopp: registrering og avhenting av namnelapp, program og nett.
Foto/ill.:
Nina Bergheim Dahl
Masterstudent og frivillig Tonje Sophie O. Gray er parat til å hjelpe nyleg ankomne deltakarar med spørsmål dei måtte ha.
Foto/ill.:
Nina Bergheim Dahl
Professor Leif Manger gav ein flott æresforelesing der han leia publikum inn i polariseringstematikken gjennom sitt liv og virke, først og fremst i Sudan og Sør-Sudan, med forelesinga "The Good, the Bad, and the Ugly; Polarisation as zones of ambiguities".
Foto/ill.:
Maria B. Ulvesæter
Korleis GDPR påverkar forskingsmetodane i antropologien vart diskutert i Arbeidsgruppe 12 - Panelsamtale: Fremtidens etnografi - i lys av GDPR. Det var til saman fjorten arbeidsgrupper og tre filmvisingar over dei to konferansedagane.
Foto/ill.:
Maria B. Ulvesæter
Panelsamtale mellom Hilde Frafjord Johnson og Thomas Hylland Eriksen, der dei mellom anna var innom akademisk fridom, klimautfordringar, pandemi og fredsbygging i ei polarisert samtid. Antonio De Lauri var ordstyrar.
Foto/ill.:
Maria B. Ulvesæter
Nøgde gjestar fekk konferanse-kopp med seg heim.
Foto/ill.:
Maria B. Ulvesæter
Boklansering: Edvard Hviding (UiB) ønskjer velkommen til lansering av boka "Anthropology in Norway: Directions, Locations, Relations". Saman med Synnøve Bendixsen (UiB) hadde han redaktøransvaret og inviterte bidragsytarar, forlegger, gjestar og publikum til lansering og samtale.
Foto/ill.:
Nils Haukeland Vedal
Halvard Vike (Universitetet i Sørøst-Noreg) bidrog med kapittelet "No direction home? Anthropology in and of Norway".
Foto/ill.:
Nils Haukeland Vedal
Fartein Hauan Nilsen, ph.d.-kandidat ved UiB vann beste artikkel i Betwixt & Between 2021, og blir mellom anna premiert med å stå på trykk i Norsk antropologisk tidsskrift.
Foto/ill.:
Maria B. Ulvesæter
Ph.d.-kandidatane ved Institutt for sosialantropologi, UiB, Martin Eggen Mogseth og Oda Eiken Maraire, fekk det ærefulle oppdraget å takke for maten etter ein storstilt konferansemiddag.
Foto/ill.:
Nina Bergheim Dahl
Konferanse-mingling er ein sentral del av eit så stort antropologisk arrangement - og noko folk heilt klart hadde sakna. Gjensynsgleden var stor og nye vart kjenningar stifta. Fv.: Ståle Knudsen (UiB), Harald Aspen (NTNU), Håkon Fyhn (NTNU), Jens Røyrvik (NTNU), Cecilie Vindal Ødegaard (UiB)
Foto/ill.:
Nina Bergheim Dahl
Fv.: Fartein Hauan Nilsen (UiB), Lars Gjelstad (HVL), Martin Eggen Mogseth (UiB), Nils Haukeland Vedal (UiB) og Bjørn Enge Bertelsen (UiB).
Foto/ill.:
Nina Bergheim Dahl
F.v.: Ny leiar for Norsk antropologisk forening, Tone Danielsen (Høgskolen i Kristiania), Thomas Hylland Eriksen (UiO) og Natalia Magani (UiT).
Foto/ill.:
Nina Bergheim Dahl
F.v.: Malin Kleppe (HVL), Oda Eiken Maraire (UiB) og Ragnhild Freng Dale (Vestlandsforsking)
Foto/ill.:
Nina Bergheim Dahl
F.v: Roel Puijk (HINN), Knut Rio (UiB) og Frode Storaas (UiB).
Foto/ill.:
Nina Bergheim Dahl
F.v.: Carmeliza Rosario (CMI) og konferanseleiar Antonio De Lauri (CMI).
Foto/ill.:
Nina Bergheim Dahl
Boksal av antropologisk nyutgitt litteratur mellom slaga.
Foto/ill.:
Nina Bergheim Dahl
Vitskapleg assistent ved Institutt for sosialantropologi, UiB og GRIP, Maria Bakke Ulvesæter, har gjort ein uvurderleg innsats med det praktiske før og under konferansen.
Foto/ill.:
Nina Bergheim Dahl
Dei frivillige har også vore essensielle for gjennomføringa av det store arrangementet. F.v.: Tonje Sophie O. Gray, Sofie Hole, Camilla Brekken, Mari E. Nehus og Emma Louise Solheim. Ikkje med på bilete: Jan Magne Helgesen, Maja P. Wedset, Irmelin Johansen, Susanne Christensen og Melissa Mjåtveit.
Foto/ill.:
Nina Bergheim Dahl
Instituttleiar Synnøve Bendixsen ønskjer velkommen til Fredrik Barth-forelesinga 2021. Dette er den sjette i rekka av forelesingsserien som vart oppretta av Institutt for sosialantropologi, UiB, då det var 50 år sidan Fredrik Barth grunnla instituttet i 2015.
Foto/ill.:
Nina Bergheim Dahl
Professor Marianne Lien var årets foredragshaldar og gav ei nydeleg og inspirerande Fredrik Barth-forelesing, med tittelen "Beyond the Ethnographic Presence; Landscapes as relational archives".
Foto/ill.:
Nina Bergheim Dahl
På finurleg vis trakk ho på arven etter Barth og hans utømmelege utforskarglede, og knytte det opp til si eiga langvarige forsking i Finnmark.
Foto/ill.:
Synnøve Bendixsen
Instituttleiar Synnøve Bendixsen og professor Marianne Lien framfor nestor Fredrik Barth.
Foto/ill.:
Nina Bergheim Dahl
Fast innslag på årskonferansen er å debattere ein aktuell antropologisk problemstilling, initiert av Norsk antropologisk tidsskrift (NAT). I år vart påstanden "Anthropology does not need to decolonize in order to make sense of conflicts in today’s polarized world" som skulle diskuterast. Samwel Moses Ntapanta (UiO) og Kjetil Knaus Fosshagen (HVL) argumenterte overbevisande FOR, medan Carmeliza Rosario (CMI) og Cindy Horst (PRIO) argumenterte, like overbevisande, MOT.
Foto/ill.:
Nina Bergheim Dahl
... noko som fremja engasjement og diskusjon i salen. Berre nokre få endra meining undervegs, og oppteljinga til slutt viste at 62 stemte mot påstanden og 18 for.
Foto/ill.:
Nina Bergheim Dahl
Engasjerte konferansedeltakarar, gjestar, frivillige, arbeidsgruppeleiarar og andre bidrog til at NAF-konferansen 2021 vart ei minneverdig hending. Tusen takk!
Foto/ill.:
Nina B. Dahl/Colourbox
Hovedinnhold
Oppdatert: 30.11.2021 (Først publisert: 29.11.2021)
Norsk antropologisk årskonferanse er eit årleg arrangement der antropologar frå heile landet, i og utanfor akademia, samlast. Grunna korona-pandemien vart arrangementet utsett eitt år. Gjensynsgleda og iveren var nok derfor ekstra stor då rundt 140 konferansedeltakarar møttest i Bergen for å stifte nye antropologiske kjennskap, oppdatere kvarandre på forskingsfronten og debattere aktuelle problemstillingar.
Sjå bilete frå konferansen i karusellen over!
Tusen takk til alle konferansedeltakarar, gjestar, frivillige, arbeidsgruppeleiarar og andre som bidrog til at NAF-konferansen 2021 vart ei minneverdig oppleving.
Vi gler oss til neste år allereie!
NAF-konferansen 2021
- Les meir om konferansen
- Sjå samlesida for arbeidsgruppeabstract
Konferanselogo 2021
Foto/ill.:
Nina B. Dahl/Colourbox