Statsbudsjettkafè for studentar
Institutt for økonomi inviterte studentar til statsbudsjettkafè med streaming og analyser av samfunnsøkonomar ved UiB.
Hovedinnhold
Studentar og tilsette ved Institutt for økonomi samla seg foran storskjermen for å sjå finansminister Siv Jensen presentere statsbudsjettet for 2016.
Rett etter tv-sendinga bidrog tilsette ved instituttet med analyser av neste års budsjett. Professor emeritus Erling Vårdal kommenterte først hovudinntrykket i budsjettet av utgifter og inntekter komande år. Dernest gjekk førsteamanuensis Bjørn Sandvik gjennom skattereforma.
Professor Alf Erling Risa kommenterte regjeringa si satsing på forsking og høgare utdanning. I tillegg bidrog professor Katrine Vellesen Løken med ein kommentar om korleis statsbudsjettet påverkar arbeidslivs- og familieøkonomi.
Leiar for fagutvalet i samfunnsøkonomi, Ole Marenzius Tjøstolvsen, var godt nøgd med initiativet.
- Dette er jo relevant for emner vi har i dette semesteret, seier Tjøstolvsen, som meiner instituttet bør halde fram med slike bidrag til studentane.