Vil du studere geografi?

Korleis kan vår tids store utfordringar som klimaendringar, migrasjon, urbanisering og matproduksjon taklast på lokalt plan? Geografistudiet passar for deg som vil forstå desse komplekse utfordringane og få kompetanse til å finne løysingar. Geografifaget tar for seg sosiale, politiske, økonomiske, kulturelle og naturbestemte forhold i Norge og internasjonalt. Aktuelle tema i undervisninga er blant anna geofarar som flaum og skred, klimaendringar, vegetasjonsendringar, matsikkerhet, ressursforvaltning, næringsutvikling, regional utvikling og planlegging.

Feltkurs er ein spennende og viktig del av undervisninga gjennom geografistudiet. Dette gir eit godt praktisk tillegg til forelesingar,seminar og pensumbøkene. Gjennom feltkurs får du jobbe med aktuelle problemstillingar, du får erfaring med prosjektarbeid og kan teste ut teoriar på ekte problemstillingar.

GIS (Geografiske informasjonssystem) er eit viktig verktøy for å analysere romlege data, og blir brukt på fleire kurs. GIS-kunnskap blir etterspurt i mange stillingar som er aktuelle for geografar.

Bachelorprogram i geografi

Ein bachelorgrad i geografi gir deg innsikt i sentrale teoriar innanfor faget og du får også praktisk kompetanse som er relevant for arbeidslivet. Ein bachelorgrad har 180 studiepoeng fordelt på 3 år. På bachelorprogrammet i geografi studerer du i starten både samfunns- og naturgeografi før du spesialiserer deg i ei valt studieretning. Du har også eit år med frie studiepoeng som du kan bruke til å ta inn andre fag ved UiB eller reise på utveksling. Vi har mange utvekslingsavtaler med universiteter i heile verda, og du kan studere eit eller to semester i utlandet som del av graden din.

Årsstudium i geografi

Du kan også ta eit årsstudium i geografi. Merk at eit årsstudium ikkje fører til ein grad med eit vitnemål. Du får studierett i eit år og får karakterutskrift for avlagte eksamenar. Årstudiet passar best for deg som vil bruke geografi i ein annan grad eller få undervisningskompetanse i geografi med tanke på lærarutdanning.

Masterprogram i geografi

Etter fullført bachelorgrad i geografi kan bygge på med ein 2-åring mastergrad og søke opptak til masterprogrammet i geografi. Som masterstudent får du jobbe med ditt eige forskingsprosjekt. Du utviklar en prosjektskildring, samler inn data gjennom eit feltarbeid i inn- eller utland og skriv ei masteroppgave. I tillegg tar du teori- og metodekurs som er relevante for di studieretning. På masterprogrammet søker du direkte inn på valt studieretning:

• Økonomisk geografi, regional utvikling og planlegging
• Utviklingsgeografi
• Miljø- og landskapsgeografi
• Naturgeografi

Innhaldet i dei ulike programma i geografi

Her finn du informasjon om kva emne som inngår i studiet. Klikk på emnekoden for å få meir informasjon om dei ulike delane.