Hjem
Studentsider
bilateral

The Norwegian Study Centre og Institutt for fremmedspråk (BILATERAL)

  • LandStorbritannia og Nord-Irland
  • ByYork
  • StudienivåBachelor og Master
  • AvtaletypeBilateral
  • Lengde på opphald1-2 semester

Hovedinnhold

Om avtalen

Kven kan søke

Avtalen gjeld for alle studentar på bachelor- og masterprogrammet i engelsk, og andre studentar som ønsker å ta emne innanfor engelsk språk, litteratur eller kultur. Det er eit krav at du må ha tatt minst 60 studiepoeng før avreise. Du må òg ha gyldig studierett på eit bachelor- eller masterprogram ved UiB i heile den perioden du er på utveksling.

Følgjande opptakskrav gjeld i tillegg på denne avtalen:
anten

- 50 studiepoeng (eller meir) i engelsk frå eit universitet eller høgskule med gjennomsnittskarakteren C

eller
- Mellom 30 og 50 studiepoeng i engelsk frå eit universitet eller høgskule med gjennomsnittskarakteren B eller betre.

Studentar på bachelor- og masterprogrammet i engelsk vert prioritert i fall det er fleire søkjarar enn plassar. Når innstillinga frå UiB er klar, søkjer du direkte til Det norske studiesenteret i York.

Pilotprosjekt, våren 2019:
Våren 2019 er det mogleg for studentar ved både HF og SV å søkje på denne avtalen. Opptakskravet for våren 2019 er følgjande:
- Minst 90 studiepoeng med ein kva som helst fagsamansetting frå HF og / eller SV.
- Minst B i gjennomsnitt for alle sine fag, eventuelt minst B i svært relevante enkeltfag (individuell vurdering ved opptak)
- Gode nok engelskkunnskapar til å kunne gjennomføre eit studium på engelsk (individuell vurdering ved opptak)

Når i studiet kan eg reise

Bachelorstudentar i engelsk: Det passar best å reise på utveksling i løpet av dei tre siste semestera på bahcelorprogrammet.

Masterstudentar i engelsk: Det passar best å reise ut i andre semester av masterprogrammet.

Studentar på andre studieprogram: Undersøk med studieprogrammet du går på i kva semester du kan ta frie studiepoeng.

Språk

Undervisningsspråket ved studeisenteret er engelsk.

Kva emne kan eg ta

Bachelorstudentar:

Det norske studiesenteret i York tilbyr tre modular kvart semester som alle tilsvarar 10 norske studiepoeng. Emna du tar i York kan, etter godkjenning, inngå som 200-nivået i ein bachelorgrad i engelsk. Du kan studere emne innanfor engelsk språk og lingvistikk, engelsk litteratur og kulturstudiar. Det er også mogleg å skrive bacheloroppgåva i York. Det er ein føresetnad at emna du vel ikkje overlappar nivåmessig eller innhaldsmessig med emne du har tatt tidlegare, eller planlegg å ta seinare ved UiB.

Det er mogleg å studere i York i eit heilt år, og då tar du 30 studiepoeng i spesialiseringa di og 30 frie studiepoeng.

Masterstudentar:

Dersom du skal ta emne i kursdelen av mastergraden din, må du finne emne som kan godkjennast som tilsvarande, eller som erstatning for emne i kursdelen av masterprogrammet ved UiB. Det norske studiesenteret i York tilbyr to pakkar for studentar som skal studere på masternivå.

1. YorkCourse, emne ved Det norske studiesenteret

Emna på masternivå vil vere dei same modulane som på 200-nivå, men med ekstra litteratur og arbeidskrav for å svare til det høgare akademiske nivået på master. Dette alternativet har ikkje skulepengar.

2. Emne ved University of York

Studiesenteret i York administrerer to masterprogram, eit som blir undervist av Department of Language and Linguistic Science og eit som blir undervist av Department of English and Related Literature. Begge programma er på 30 studiepoeng, og kan dermed integrerast i mastergraden din ved UiB. Du blir student ved Universitetet i York på dette programmet, og må betale skulepengar.

Studieavgift

Studentar som skal studere ved Det norske studiesenteret i York og delta på YorkCourse (både bachelor og master) betaler ikkje studieavgift.

Studentar som vil søke på masterprogramma ved Universitetet i York må betale skulepengar (cirka 4900 pund i 2018). Det er mogleg å søke om støtte frå Statens Lånekasse til skulepengar.

Alle skal registrere seg og betale semesteravgift ved UiB for heile den tida dei er på utveksling.

Studentrapportar

Informasjon