Beijing Sport University og Det humanistiske fakultet (BILATERAL)

Om avtalen

Kven kan søke

Denne avtalen gjeld for studentar på bachelor- og masterprogrammet i kinesisk, andre studentar med studierett ved UiB kan søke, men blir prioritert etter studentar på bachelor- ogo masterprogrammet i kinesisk. Beijing Sport University set ikkje noko spesielt karakterkrav til opptak.

Før du kan reise på utveksling, må du ha tatt minimum 60 studiepoeng. Du må også ha gyldig studierett på eit bachelor- eller masterprogram ved UiB i den perioden du er på utveksling.

Studentar med kinesisk statsborgarskap kan ikkje søke på avtalen.

Når i studiet kan eg reise

For bachelorstudentar i kinesisk: Det høver best å reise på utveksling i løpet av dei to siste semestera av bachelorprogrammet.

For masterstudentar i kinesisk: Ta gjerne kontakt med studierettleiar for å planlegge tidspunktet for utveksling.

Studentar på andre studieprogram: Undersøk med studierettleiar på ditt program i kva semester du kan ta frie studiepoeng.

Språk

Undervisningsspråket ved universitetet er kinesisk, men universitetet tilbyr òg enkelte emne med engelsk undervisningsspråk.

Dersom du ikkje har nok språkkunnskapar, finst det fleire måtar å førebu seg på i forkant. Sjå uib.no for meir informasjon om språkkurs og språktandem. Lånekassen har eit eige stipend ein kan søke for å få dekt utgifter til førebuande språkkurs i utlandet. Sjå universitetet sine nettsider for meir informasjon om kva konkrete kurstilbod som finst, og eventuelt kva startdatoar som gjeld i komande semester.

Kva emne kan eg ta

Bachelorstudentar: Dersom du skal ta frie studiepoeng, kan du velje emne fritt innanfor humanistiske. Det er ein føresetnad at emna du vel ikkje overlappar nivåmessig eller innhaldsmessig med emne du har tatt tidlegare, eller planlegg å ta seinare ved UiB. Dersom du skal ta delar av spesialiseringa di i utlandet, må du velje emne som kan godkjennast som tilsvarande emne ved UiB.

Masterstudentar: Dersom du skal ta emne i kursdelen av mastergraden din, må du finne emne som kan godkjennast som tilsvarande, eller som erstatning for emne i kursdelen av masterprogrammet ved UiB.

Studieavgift

Avtalen med Beijing Sport University inneber gjensidig utveksling av 5 studenter i eitt til to semester kvart år, med fritak for studieavgift.

Studentar må også semesterregistrere seg og betale semesteravgift ved UiB for heile den tida dei er på utveksling.

Om lærestaden

Om lærestaden og byen

Beijing Sport University blei grunnlagt i 1953 under direkte leiing av General Administration of Sport in China. Universitetet har meir enn 10 000 studentar på 25 institutt og tre forskingssenter. Campus på ca. 750 000 kvadratmeter ligg nordvest i forstaden til Beijing. Universitetet tilbyr 27 bachelorprogram.

Universitetet har avtalar med 157 høgare utdanningsinstitusjonar i 52 andre land og har meir enn 15 000 utanlandske studentar frå 106 forskjellige land.

Bustad

Universitetet har studentbustadar det går an å søke på.

Semesterinndeling

September-januar og februar-juli.