University of Zadar og Det psykologiske fakultet (ERASMUS+)

Om avtalen

Kven kan søke

Avtalen gjeld for profesjonsstudentar i psykologi, og studentar på eit bachelor eller masterprogram i psykologi ved Det psykologiske fakultet, som har bestått eksamenar tilsvarande 60 studiepoeng før utreise.

Når i studiet kan eg reise

Bachelor- og masterstudentar reiser ut i den valfrie delen av sitt studieprogram, og profesjonsstudentar kan reise ut i sitt 5. valfrie semester og i sitt 7. semester.

God planlegging er viktig for eit utbyterikt utvekslingsopphald.

Språk

Undervisningsspråket er engelsk.

Språkkrav: B2

Dersom du ikkje har nok engelskkunnskapar, finst det fleire måtar å førebu seg språkleg på før utreise. Sjå UiB.no for informasjon om språkkurs og språktandem. Hugs at eit utvekslingsopphald er ein unik sjanse til å skaffe seg språkkunnskapar du kan ha nytte av vidare i studia og i yrkeslivet.

Kva emne kan eg ta

Psykologi på lågere grad (BA) og høgare grad (MA) avhengig av tilbod og krav om forkunnskapar.

Bachelorstudentar: Dersom du skal ta frie studiepoeng, kan du velje emne fritt innanfor det fagfeltet som avtalen gjeld for. Dersom du skal ta deler av spesialiseringa i utlandet, må du velje emne som kan godkjennast som tilsvarande emne ved UiB.

Det er ein føresetnad at kursa du vel ikkje overlappar nivåmessig eller innhaldsmessig med emne du har teke tidlegare, eller planlegg å ta seinare ved UiB.

Masterstudentar: Dersom du skal ta frie studiepoeng, kan du velje emne fritt innanfor det fagfeltet som avtalen gjeld for. Dersom du skal ta deler av spesialiseringa i utlandet, må du velje emne som kan godkjennast som tilsvarande emne ved UiB. Det er ein føresetnad at kursa du vel ikkje overlappar nivåmessig eller innhaldsmessig med emne du har teke tidlegare, eller planlegg å ta seinare ved UiB.

Dersom du er profesjonsstudent i psykologi og skal ta ein del av spesialiseringa di ved dette universitetet, må du velje emne som kan godkjennast som tilsvarande dei obligatoriske emna på 7. semester av profesjonsstudiet ved UiB.

Du kan få faglege råd om emnevalet undervegs ved å ta kontakt med internasjonal koordinator ved fakultetet.

Course catalogue: Courses in Foreign Languages (unizd.hr)

Studieavgift

Erasmusstudentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Universitetet i Zadar er eit offentleg universitet i Zadar, Kroatia. Det vart grunnlagt i 2002 i si noverande form, men har røter heilt tilbake til 1396, noko som gjer det til den eldste høgare utdanningsinstitusjonen i Kroatia og eitt av dei eldste i Europa. Universitetet har kring 6 000 studentar og tilbyr eit breitt spekter av studieprogram gjennom sine 27 institutt, inkludert arkeologi, økonomi, engelsk, geografi og mange fleire. Universitetet i Zadar er kjent for sitt historiske campus i gamlebyen i Zadar, og det har spelt ei viktig rolle i utviklinga av høgare utdanning i regionen.

Zadar er ein vakker kystby i Kroatia, kjend for si rike historie og fantastiske arkitektur. Byen ligg ved Adriaterhavet og er omgitt av øyar, noko som gjer den til eit populært reisemål for turistar. Zadar har mange historiske landemerke, inkludert den imponerande St. Donatus-kyrkja og det unike sjøorgelet. Byen er også kjend for sine vakre solnedgangar, som ofte blir rekna som nokre av dei finaste i verda.

Bustad

Ein kan søke om studentbustad, og det bør ein gjere tidleg, sidan det er stor etterspurnad.

Semesterinndeling

Haustsemester: byrjinga av oktober til slutten av januar

Vårsemesteret: februar til slutten av juni