Om avtalen
Kven kan søke
Studentar frå Institutt for politikk og forvaltning har fortrinn på plassane. Søkarar frå andre fagområde blir vurderte om det er ledige plassar.
Søkaren må ha teke minimum 60 studiepoeng ved utreise.
Når i studiet kan eg reise
På grunn av semesterinndelinga er det ikkje mogeleg å reise ut haustsemesteret gjennom denne avtalen.
Bachelorstudentar i administrasjon og organisasjonsvitskap/politikk og forvaltning kan reise ut i sitt fjerde semester.
Masterstudentar i politikk og forvaltning kan reise i sitt andre semester.
Språk
Undervisningsspråket ved vertsuniversitetet er slovakisk, men dei har òg eit avgrensa emnetilbod med engelsk som undervisningsspråk.
Universitetet tilbyr språkkurs i slovakisk for internasjonale studentar.
Kva emne kan eg ta
Avtalen er knytt til Faculty of Social and Economic Sciences og dei tilbyr emne på engelsk på bachelor og master nivå innafor statsvitskap med fokus på Europa. Du finn meir informasjon om emnetilbodet her.
Ein fulltidsstudent skal ta 30 ECTS per semester. Emna på utgjer normalt 6 ECTS. Du må derfor rekne med å ta fleire emne per semester enn du normalt ville gjort heime. Det er ein føresetnad at emna du vel ikkje overlappar i nivå eller innhald med emne du har tatt frå før, eller planlegg å ta seinare ved UiB.
Om lærestaden
Om lærestaden og byen
Comenius University in Bratislava blei etablert i 1919, kort tid etter oppløysinga av Tsjekkoslovakia. I oppstartsfasen fekk det hjelp av Universitetet i Praha, men i dag står lærestaden på eigne bein, som det største universitetet i Slovakia med om lag 29 000 studentar og eit breitt fagtilbod. Det engelskspråklege fagtilbodet er størst innan handelsfag og samfunnsvitskapane. Dei fleste av universitet sine bygningar ligg i Bratislava, men det medisinske fakultetet ligg i Martin.
Bratislava er hovudstaden i Slovakia med rundt ein halv million innbyggarar. Byen ligg heilt lengst vest i landet, rett ved grensa til Austerrike, og er prega av å vere ein kulturell smeltedigel mellom fleire etniske grupper. Bratislava er eit godt utgangspunkt både for naturopplevingar og meir urbane fritidssyslar.
Bustad
Universitetet sine studentbustader ligg for det meste innan gangavstand frå campusområdet eller inne i bykjernen. Eit eige internasjonalt kontor hjelper utvekslingsstudentar ved universitetet med å finne bustad.
Semesterinndeling
September - januar/februar og februar- juni.
