Universität Stuttgart og Fakultet for naturvitenskap og teknologi (ERASMUS+)

Om avtalen

Lærestader i nettverket

Erasmus+ students (non-degree) | University of Stuttgart (uni-stuttgart.de)

Kven kan søke

Studentar på bachelor- og masternivå. University of Stuttgart tilbyr engelskspråklege emne for studentar i det 5. og 6. semesteret sitt bachelornivå og masternivå.

University of Stuttgart kan vere spesielt aktuelt for studentar som studerer emne innanfor fysikk, kjemi, informatikk, matematikk og geofag- og informatikk.

Når i studiet kan eg reise

Studentar som reiser på utveksling til University of Stuttgart, kan reise både haust og vår. Vi tilrår derimot at studentar reiser i vårsemesteret, då Tyskland har litt andre semesterdatoar enn Noreg.

Høst semester: oktober - februar (eksamen februar - april)

Vår semester: april - juli (Eksamenar juli - oktober)

Academic calendar | For students | University of Stuttgart (uni-stuttgart.de)

Språk

Engelsk og tysk

Kva emne kan eg ta

Alle innkommande studentar som kjem til University of Stuttgart på utveksling, står fritt til å velje emne frå heile emnekatalogen.

Emne studentar kan ta er ikkje avgrensa til eitt fakultet eller institutt. Studentar kan kombinere kurs slik det passar dei (bachelor- og masterkurs, akademiske kurs med språkkurs etc.), så lenge studierettleiaren din og instituttet samtykkjer. Innkommande studentar i det siste året på bachelor kan også velje modular frå masterprogramma på førespurnad.

Ei liste over alle University of Stuttgart studieprogramma sine finn ein her: https://www.uni-stuttgart.de/en/study/study-programs/

Viss studentar er interesserte i engelskspråklege kurs, sjå på følgjande masterprogram, som er undervist berre på engelsk:

• Air Quality Control, Solid Waste and Waste Water Process Engineering (WASTE)
• Computational Linguistics
• Computational Mechanics of Materials and Structures (COMMAS)
• Computer Science
• Electrical Engineering
• English and American Studies / English Linguistics
• Geomatics Engineering (GEOENGINE)
• Information Technology (INFOTECH)
• Infrastructure Planning (MIP)
• Integrated Urbanism and Sustainable Design (IUSD)
• Integrative Technologies and Architectural Design Research (ITECH)
• Materials Science
• PHYSICS
• Water Resources Engineering and Management (WAREM)

I tillegg til desse engelskspråklege studieprogramma, tilbyr University of Stuttgart også fleire engelskspråklege modular innanfor dei tyskspråklege studieprogramma deira på bachelor- (sjeldan) og masternivå, som også er opne for utvekslingsstudentar. Og sjølvsagt er alle BA- og MA-program i engelsk og amerikansk litteratur og kultur, og i engelsk lingvistikk ved University of Stuttgart, også undervist på engelsk.

Viss studentar frå Fakultet for naturvitskap og teknologi er interessert i å skrive ei avhandling eller prosjektarbeid, hjelper University of Stuttgart gjerne med å finne eit passande emne og engelsktalande rettleiing ved universitetet.

Kursinformasjon om alle studieprogram og modulane deira finst i University of Stuttgarts nettbaserte kurskatalog C@MPUS: https://campus.uni-stuttgart.de/

Studieavgift

Studentar som reiser på Erasmus+ betaler ikkje semesteravgift til vertsuniversitetet. Du som student skal semesterregistrere deg hos UiB gjennom Studentweb som normalt og betala semesteravgift til UiB. Du kan semesterregistere deg til eit "utvekslingsemne" i utdanningsplanen din det semesteret du er på utveksling.

Om lærestaden

Om lærestaden og byen

Universität Stuttgart blei grunnlagt i 1829, og er eit teknisk universitet med rundt 25 000 studentar. Det har ti fakultet, men satsar i hovudsak på ingeniørfag og teknikk. På campusen i sentrum finst fakulteta for humanistiske fag, økonomi og arkitektur. Den største campusen er Vahingen, som ligg litt utanfor sentrum og husar tekniske og naturvitskapelege fag.

Stuttgart er den største byen i delstaten Baden-Württemberg. Han blei grunnlagd som ein oppsamlingsleir for stridshestar til det tyske kavaleriet under Keisar Otto den første sitt styre rundt 950. Byen har i dag om lag ein halv million innbyggarar. Stuttgart er kjend for vinproduksjon og for bilmerka Mercedes og Porsche. Prisnivået her er høgt samanlikna med andre byar i Tyskland.

Bustad

Universitetet samarbeider med den lokale studentsamskipnaden om å tilby bustad for Erasmus-studentar så langt kapasiteten rekk. Det kan vere dyrt å leige bustad på den private marknaden i Stuttgart samanlikna med andre stader i Tyskland.

Semesterinndeling

Oktober - mars og april - juli/august.

2015