Det fynske Kunstakademi og Kunstakademiet ¿ Institutt for samtidskunst (ERASMUS+)

Om avtalen

Kven kan søke

Avtalen gjeld for studentar på bachelor- og masterprogrammet i kunst. Det er eit krav at du må tatt minst 60 studiepoeng før avreise.

Når i studiet kan eg reise

For bachelorstudentar i kunst er det mogleg å reise på utveksling i 3. og/eller 4. semester. For masterstudentar er 2. semester best eigna for utveksling. Ta kontakt med hovudrettleiar om du er usikker på når det passar best.

Språk

Sjå lærestaden sine heimesider for informasjon om undervisningsspråk.

Kva emne kan eg ta

Frie studiepoeng - du kan velje emne fritt innanfor det fagfeltet som avtalen gjeld for.

Det er ein føresetnad at emna du vel ikkje overlappar i nivå eller innhald med emne du har tatt tidlegare, eller planlegg å ta seinare ved UiB.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Det Fynske Kunstakademi vart grunnlagt i 1944 og er ein uavhengig institusjon som ligg i hjartet av byen Odense i Danmark. Her tilbyr ein ein 5-årig høgare utdanning innan kunst. Grunnopplæringa fokuserer på at studenten blir kjend med, og tileigner seg kunnskap og ferdigheiter som ein treng for å etablere og utvikle ein kunstnarisk praksis. Utdanninga har eit spesielt fokus på praksis og teori i samtidskunsten.

Odense er den tredje største byen i Danmark med om lag 179 000 innbyggarar. Byen er assosiert med den kjende diktaren H.C. Andersen som er fødd og oppvaksen her. Odense er ein kulturell og historisk by med lang historie. Samstundes er det også ein urban og livleg by, med koselig atmosfære.

Bustad

Studentar kan kontakte internasjonal koordinator ved lærestaden for rettleiing og tips om bustad.

Semesterinndeling

september - januar

februar - juni

2022

2021