Klage og begrunnelse på eksamen ved Fakultet for naturvitskap og teknologi

Klagefrist

Dersom du ynskjer å klage på karakteren for dine presentasjoner på ein eksamen er fristen tre (3) veker etter at eksamensresultatet er kunngjort Jf. Universitets- og høyskolelova § 5-3. Om du har bedt om grunngjeving på karakter, er klagefristen tre (3) veker etter at du har fått grunngjevinga.
Dette gjeld også i perioden der det normalt foregår ferieavvikling (jul, påske og sommar). 

Korleis klage

Du klager på eksamensresultatet i Studentweb. I menyen "Mer" finner du "Begrunnelse og klage". Her kan du be om grunngjeving og/eller klage.
Merk at emne der eksamen ikkje kan ettergåast av ein klagekommisjon (eksempelvis munnleg eksamen) ikkje har høve til klage.
Om du opplever tekniske problem med klage på sensur, ta kontakt med oss på epost info.nt@uib.no

Om ny sensurering

Når du klagar på karakteren vert eksamenssvaret ditt vurdert på nytt av ein ny kommisjon med minst to sensorar. Minst éin av desse er ekstern. Den nye kommisjonen gjer ei uavhengig vurdering av eksamenssvaret ditt og får ikkje informasjon om den opphavlege karakteren, grunngjevinga frå den første kommisjonen, eller grunngjevinga di for å klage. 

Ved ny sensur kan endringar gjerast til gunst eller ugunst for klagar (jf. Universitets- og høgskulelova §3-9). Dette vil sei at det nye resultatet (sensuren) kan vere betre eller dårlegare etter klaga. Du kan også få same resultat etter klaga som den du fekk opphaveleg. Det vil sei at du til dømes kan gå frå ein bestått karakter til stryk dersom du klagar, eller frå stryk til bestått resultat. 

Dersom klagesensuren har eit avvik på to karakterar eller meir, vert det gjort ei ytterlegare vurdering før det vert gjort ei endeleg fastsetjing av karakter. 

Merk at det ikkje er mogleg å klage på karakter ved munnleg eksamen.

For masteroppgåva blir klage gjort på karakter på oppgåva. 
Om resultatet av klaga gjev endra karakter på oppgåva, blir det avholdt ny justerande munnleg.

Publisering av klageresultat

Resultatet av klagehandsaminga vert kunngjort på Studentweb. Du får ein epost om at resultatet av klaga er klart.

Legg merke til at resultatet av klaga er endeleg og kan ikkje klagast på. Du kan derimot be om grunngjeving for karkateren din. Fristen for å be om grunngjeving er ei (1) veke etter at klagesensuren vart kjent for deg. Dersom du ikkje fekk bestått resultat etter klaga di, må du ta ordinær eksamen på nytt. Legg også merke til tregangersregelen ved UiB. 

Klager på karakterfastsetjing er ei tidkrevjande prosess og det skal setjast ned ein fagleg klagekommisjon for kvar eksamen som får klage.

Normalt handsamar vi alle klager på karakterfastsetjing samla. Det betyr at vi venter til alle klagane i eit emne har kome inn. Fristen for dette er tre veker etter sensur, eller tre veker etter at grunngjevingar er sendt ut.

Dette gjer at du normalt må rekne med 8-12 veker før du får vite resultatet.

Legg likevel merke til at saksvolum og nye fastsette reglar for klagehandsaming har innverknad på sakshandsamingstida. I tillegg må vi ta omsyn til ferieavvikling (jul, påske, sommar) hjå sensorane. 
Frå 1.7.2018 vart det også gitt nye reglar for kvalitetssikring av klagehandsaming i UHL lova (§5-3 (6), om ein ekstra kontroll ved større karakteravvik, noko som kan medføre at klagehandsaminga kan ta lenger tid ved slike tilfelle. 

Du kan difor ikkje rekne med at klaga på karakterfastsetjing er handsama i tide til den ordinære eksamen som er tidleg komande semster. 

Dersom du meiner det har blitt gjort formelle feil i samband med ein eksamen, har du rett til å klage på det,  jf. Universitets- og høyskolelova § 5.2. Formelle feil på eksamen kan til dømes vere feil i eksamensoppgåvene, forholda i eksamenslokalet eller problem i samband med vurderingsmelding. Du kan klage på formelle feil i alle eksamensformer.

Korleis går eg fram for å klage?

Du sender ein e-post til post.nt@uib.no der du grunngjev klaga.
I den må det kome fram kva som er bakgrunnen for klagen og kva du meiner har skjedd, og korleis du ønsker at det kan rettast opp. Om du har klaga på formell feil, vert fristen rekna etter at du er, eller burde vere, kjent med dei forholda som ligg til grunn for klaga. Klagefrist er tre (3) veker etter eksamensdato.

Sjå tips for korleis skrive ein god klage

Har du klaga på karakterfastsetjing eller formelle feil innan fristen, kan du trekke klaga så lenge det ikkje er fatta eit vedtak i saka. 
Årsak til å trekke ei klage kan til dømes vere at du klaga på karakteren før du fekk grunngjeving og du er einig i karakteren etter å ha fått grunngjevinga frå sensor. Det kan også være at forholdet du klagar på ikkje har innverknad på presentasjonen din eller er tatt høgde for når du les sensorrettleiinga.

Ynskjer du å trekke klagen din sender du ein e-post til post.nt@uib.no, der du ber om at saka vert avslutta og at du ikkje ynskjer å opprethalde klagen. 

Fristar

• Du kan trekke klaga på karakterfastsetjing så lenge klagekommisjonen ikkje har sett ny karakter (vedtak). Kontakt eksamensadministrasjonen på instituttet som administrerer emnet for å få vite kor langt sensorane har kome i klageprosessen.
• Du kan trekke klaga på formelle feil så lenge det ikkje er fatta vedtak i saka, enten ved at fakultetet har fatta vedtak sjølv, eller at saka vert handsama av klagenemnda. Dersom saka er sendt vidare til nemnda (du får kopi av oversendingsbrevet) må du kontakte sekretariatet for klagenemda for å trekke klagen din. Dette må skje innan utløpet av arbeidsdagen før nemnda skal ha møte og handsame saka. Før saka er sendt til nemnda, kan du ta kontakt med studie.matnat@uib.no for å høre status i sakshandsaminga.