Studieplan for MAHF-RUSS Russisk, master, 2 år, haust 2024

Fulltid/deltid

Fulltid

Om du vil ta heile eller delar av studiet som eit 50% deltidsstudium, må du levere formell søknad til instituttet. Les meir om dette i Rutinar for masterstudiet ved HF.

Undervisningsspråk

Norsk, russisk og evt engelsk ved behov.

Sjå den einskilde emneplanen for emna som inngår i programmet.

Studiestart - semester

Haust. Det kan vere aktuelt å ta opp studentar også til vårsemesteret. Ta kontakt med studierettleiar ved spørsmål om opptak.

Studiet har som mål å utdjupe kunnskapane og vidareutvikle ferdigheitene som studentane har med seg frå tidlegare russiskstudium i russisk språk, litteratur og kultur, og gir djupnekunnskap på problemfeltet til den sjølvvalde masteroppgåva.

Studiet skal auke dei teoretiske kunnskapane, øve opp evna til kritisk refleksjon og gje ei grunnleggjande forskarskolering som set studenten i stand til å leggje fram, diskutere og drøfte faglege problemstillingar, munnleg (på masterseminar, under rettleiing og i presentasjon av masteroppgåva) så vel som skriftleg (i masteroppgåva og andre skriftlege arbeid), på norsk (evt. engelsk) og på russisk. Elles vil masterstudiet i russisk utvide og styrkje den språklege kompetansen både munnleg og skriftleg.

Studiet tar opp sentrale tema innanfor russisk språk-, litteratur- og kulturvitskap.

Læringsutbyte

Kandidaten skal ved avslutta program ha følgjande læringsutbytte definert i kunnskap, ferdigheiter og generell kompetanse:

Kunnskap

Kandidaten har

god innsikt i indre og ytre russisk språkhistorie og språkstruktur og fordjupa kunnskap om einskilde emne i russisk språkvitskap, til dømes innanfor russisk sosiolingvistikk, dialektologi eller korpuslingvistikk
avansert kunnskap om korleis ein utformar akademiske tekstar, på russisk så vel som på norsk, medrekna om oppbygging, analyse, argumentasjon, stilnivå og terminologi
solid breiddekunnskap om russisk språk, kultur og samfunn og fordjupa innsikt i somme problemstillingar, tema eller periodar innanfor anten russisk språk-, litteratur- eller kulturvitskap, avhengig av kva disiplin og tematikk som har vore tilbydd for særemnet RUS303
solid kunnskap innan tematikken for valemnet
djupnekunnskap på problemfeltet til den sjølvvalde masteroppgåva innan russisk språk, litteratur eller kultur, eller eit felt i grenseområda mellom desse disiplinane

Ferdigheiter

Kandidaten kan

arbeide kritisk og sjølvstendig med problemløysing på grunnlag av erverva fagkunnskap innan russisk språk, litteratur og kultur og nytte teoriar og metodar som har inngått i pensum og undervisninga og/eller har blitt nytta i arbeidet med heimeoppgåver og masteroppgåva
forstå og nytte eit vidt generelt, så vel som filologisk omgrepsapparat på russisk, både skriftleg og munnleg
setje seg inn i og omsetje forholdsvis avanserte russiskspråklege tekstar innan ulike sjangrar, problemfelt og spesialområde med hovudvekt på filologi
utarbeide og halde munnlege innlegg, delta i faglege diskusjonar på både russisk og norsk og ta del i den offentlege debatten når denne rører ved fagområdet
nytte breiddekunnskapen sin om russisk kultur og samfunn, djupnekunnskapen sin om russisk språk og litteratur og den praktiske dugleiken sin i russisk språk og akademisk skriving til problemløysing, formidling og vidare forsking på dette og liknande fagområde

Generell kompetanse

Kandidaten

kan gjere effektive kjeldesøk, handsame innhenta materiale på ein konstruktiv og forsvarsetisk forsvarleg måte og bruka IKT-verktøy som er naudsynte for å gjennomføre sjølvstendig arbeid innanfor fagområdet
har ei kritisk, reflektert og analytisk haldning til kjelder som til dømes vitskapelege publikasjonar, innsamla forskingsmateriale, formidlingsplattformar og oppslagsverk, så vel som til teoriar, tolkingar og metodar innanfor studiet sine fagområde
kan utarbeide og formidle faglege framstillingar, munnleg og skriftleg og både med korte fristar og i eit meir langsiktige perspektiv, og gjennomføre sjølvstendig forskingsarbeid med noteapparat, referansar og bibliografi under rettleiing
har godt innarbeidd kompetanse i praktisk omsetjing mellom russisk og norsk og kunnskap om sentrale strategiar og val i dette arbeidet
har solid kompetanse i langsiktig utviklings- og prosjektarbeid og kan sjølvstendig halde fram med eiga kompetanseutvikling og spesialisering

Opptakskrav

Masterprogrammet i russisk byggjer på ein bachelorgrad med 80 studiepoeng fagleg fordjuping i russisk språk, litteratur og kultur, eller tilsvarande.

Bachelorgrad frå UiB som kvalifiserer:

Bachelorgrad i russisk

Andre bachelorgrader som kvalifiserer:

Andre bachelorgradar kan kvalifisere dersom du har minst 80 studiepoeng i russisk språk, litteratur og kultur eller tilsvarande.

Du må også ha:

Snittkarakter på minimum C i emna du får opptak på grunnlag av.
Språkkrava i både norsk og engelsk for dette studieprogrammet dekker du med generell studiekompetanse, anten på grunnlag av norsk vidaregåande skule eller på annan måte.

Tilrådde forkunnskapar

Ikkje relevant.

Innføringsemne

Det er ingen innføringsemne til masterstudiet.

Obligatoriske emne

RUS301 Russisk språkhistorie og språkstruktur (H, 15 stp)
RUS302 Tekst og skriftleg russisk (H, 15 stp)
RUS303 Særemne i russisk språk-, litteratur- eller kulturvitskap (V, 15 stp)
RUS350 Masteroppgåve (H, V, 60 stp)

Studentane vel i tillegg emne på til saman 15 stp, sjå nærare spesifikasjonar under «Tilrådde valemne».

Studentane får òg tilbod om munnleg undervisning med språkpedagogane under heile studieløpet. Studentane skriv masteroppgåve i det 3. og 4. semesteret, men blir oppmoda til å delta på undervisninga som ligg under RUS350 - masterseminar og munnleg undervisning - frå første semester av.

Tilrådde valemne

RUS306 Særemne (V, H, dersom tilbydd, 15 stp)
RUS307 Særemne (V, H, dersom tilbydd, 5 stp)
ALLV201 Allmenn litteraturvitskap Litteraturteoretisk særemne (V, H, 15 stp)
LING313 Metode for språklege mastergrader (V, 15 stp)
eller etter søknad eit anna godkjend valemne som blir tilbode ved UiB eller ved eit anna universitet

Minst eitt masteremne må vere i same disiplin (språk, litteratur eller kultur) som masteroppgåva. Masteremne i same disiplin skal representera ulike område i disiplinen.

Studentar som skriv masteroppgåve i litteratur, tek i tillegg RUS306 (særemne, lesekurs, 15 stp) fellesemnet ALLV201 (15 stp) eller etter søknad eit anna godkjend valemne som stør opp under oppgåva, gjerne ein kombinasjon av RUS307 (særemne, lesekurs, 5 stp) og eit anna 10 stp-kurs.

Studentar som skriv masteroppgåve i språk, tek i tillegg RUS306 (særemne, lesekurs, 15 stp), fellesemnet LING313 (15 stp) eller etter søknad eit anna godkjend valemne som stør opp under oppgåva, gjerne ein kombinasjon av RUS307 (særemne, lesekurs, 5 stp) og eit anna 10 stp-kurs.

Studentar som skriv masteroppgåve innan kultur, vel etter søknad det emnet som best stør opp under oppgåva, gjerne RUS306 (særemne, lesekurs, 15 stp) eller ein kombinasjon av RUS307 (særemne, lesekurs, 5 stp) og eit anna 10 stp-kurs.

Studentar kan søkja om individuell innpassing av eksamenar som er tekne ved eit anna institutt eller ein annan institusjon.

Rekkefølgje for emne i studiet

Tilrådd rekkjefølgje for emne i studiet:

1. semester (haust)

RUS301 Russisk språkhistorie og språkstruktur (15 stp)

RUS302 Tekst og skriftleg russisk (15 stp)

2. semester (vår)

RUS303 Særemne i russisk språk-, litteratur- eller kulturvitskap (15 stp)

godkjend(e) valemne på til saman 15 stp:

RUS306 (dersom tilbydd, 15 stp)

RUS307 (dersom tilbydd, 5 stp)

ALLV201 (15 stp) eller

LING113 (15 stp) eller

etter søknad eit anna godkjend valemne som blir tilbode ved UiB eller ved eit anna universitet

3. semester (haust)

RUS350 Masteroppgåve

4. semester (vår)

RUS350 Masteroppgåve

Alle emna i kursdelen (totalt 60 stp) må være fullførte før innlevering av masteroppgåva.

Studentane blir oppmoda til å delta på masterseminar frå første semester av, og til å utarbeida ei prosjektskisse i andre semester.

Studentane får òg tilbod om munnleg undervisning med språkpedagogane under heile studieløpet.

Delstudium i utlandet

Det er sterkt tilrådd og tilrettelagt for at studentane tar delar av programmet som utvekslingsstudent i eit anna land.

Tilrådde utvekslingsstader finn ein på nettsida til studieprogrammet.

Ein kan òg velje frå Universitetet i Bergen sine avtaler med studiestader i heile verda. All informasjon om utveksling finn ein på www.uib.no/utveksling.

Arbeids- og undervisningsformer

Gjennom ulike undervisingsformer får studentane moglegheit til å studere og nærme seg faget på ulike måtar. Undervisninga er forskingsbasert og føreset aktiv deltaking frå studentane.

Arbeidsmetodar og undervisingsformer kan vere førelesingar, seminar, munnleg russisk, gruppearbeid, skriftlege og munnlege presentasjonar, omgreps- og problemfokuserte oppgåver, problembasert læring, rettleiing og praktisk bruk av digitale verktøy.

Studentane blir oppmoda til å delta på masterseminar frå første semester av, og til å leggja fram eit tema for masteroppgåva, diskutera dette med faglærarane og skriva under ein rettleiingskontrakt så tidleg som mogleg i andre semester. Det er også ønskjeleg at studentane utarbeider ei prosjektskisse i andre semester.

For nærare informasjon, sjå dei einskilde emneplanane.

Vurderingsformer

Gjennom studiet møter studentane ulike vurderingsformer. Til dømes skriftleg skuleeksamen, rettleidd oppgåve, munnleg presentasjon, heimeeksamen og mappevurdering.

Vurderingsformene er tilpassa læringsutbyttet i dei ulike emna.

Masterstudiet blir avslutta med ein munnleg eksamen der masteroppgåva blir diskutert.

For nærare informasjon om vurderingsformer, sjå dei einskilde emneplanane.

Karakterskala

Ved sensur av emna i programmet kan det bli nytta ein av to karakterskalaer:

A-F, der F er stryk
greidd/ikkje greidd

Sjå emneplanen for det einskilde emnet.

Vitnemål og vitnemålstillegg

Vitnemål og vitnemålstillegg blir skrive ut etter at graden er fullført.

Grunnlag for vidare studium

Fullført masterprogram med gode resultat kvalifiserer til å søkje om opptak på doktorgradsstudium i relevante fag.

Relevans for arbeidsliv

Med mastergrad i russisk vil du kunna undervisa i russisk på høgare nivå og for variert arbeid både i offentleg og privat sektor på felt der det internasjonaliserte samfunnet set høge krav til både språk- og kulturkunnskapar. Andre yrkesvegar kan til dømes vere arbeid innanfor kulturformidling, forlagsverksemd, media, offentleg forvaltning og omsetjing. Studiet kan dessutan danne grunnlag for forskarutdanning i russisk språkvitskap, litteraturvitskap eller kulturforsking.