Hochschule für angewandte Wissenschaft und Kunst Hildesheim/Holzminden/Göttingen og Institutt for design (ERASMUS+)

Om avtalen

Kven kan søke

Avtalen gjeld for studentar på bachelor- og masterprogrammet design. Det er eit krav at du må tatt minst 60 studiepoeng før avreise.

Når i studiet kan eg reise

For bachelorstudentar i design er det mogleg å reise på utveksling i 4. semester. For masterstudentar er 2. semester best eigna for utveksling. Ta kontakt med hovudrettleiar om du er usikker på når det passar best.

Språk

Sjå lærestaden sine heimesider for informasjon om undervisningsspråk.

Kva emne kan eg ta

Frie studiepoeng - du kan velje emne fritt innanfor det fagfeltet som avtalen gjeld for.

Det er ein føresetnad at emna du vel ikkje overlappar i nivå eller innhald med emne du har tatt tidlegare, eller planlegg å ta seinare ved UiB.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

University of applied sciences and arts, også kalla HAWK, er eit offentleg universitet med røter tilbake til 1971. HAWK har meir enn 6000 studentar fordelt på 41 ulike studieprogram. Universitetet har campus i tre byar: Hildesheim, Holzminden og Göttingen. Av desse er Hildesheim den største, der ein finn fakulteta for arkitektur, ingeniørvitenskap og konservering, design og sosialt arbeid og helse.

Hildesheim er ein studentby i Niedersachsen, Tyskland. Her bur omlag 100 000 menneske. Hildensheim er ein av dei eldste byane i Nord-Tyskland. I 2015 feira byen 1200-årsjubileum. I byen ligg Hildesheimerdomen og St. Michael-kyrkja, bygd i perioden 1010-1030. Begge har sidan 1985 vore oppført på UNESCOs liste over verdas kulturarv.

Bustad

Internasjonalt kontor ved HAWK kan bistå med å finne innkvartering. Ettersom bustadstilbodet er avgrensa er det anbefalt at ein søker i god tid.

Semesterinndeling

oktober - mars

april - august

2019