Her er dei nye samfunnsfagstudentane
Dei nye studentane ved SV -fakultetet vart tekne imot med pomp og prakt i dag. Rekordmange har takka ja til studieplass ved fakultetet. (bildekarusell)
Main content
Derfor studerer vi et samfunnsfag i Bergen 2020
Dei internasjonale SV-studentane er her!
– Engasjer dykk! Ta del i dei aktivitetane som vi har, og kom inn i miljøet. Eg håper de er stolte av å vere student hos oss. De har gjort eit godt val!
Det sa studiesjef Kirstine Kolsrud til dei nye studentane då dei samla seg til studiestart i Grieghallen.
![Inne i Grieghallen semesterstart Inne i Grieghallen semesterstart](https://www.uib.no/sites/w3.uib.no/files/styles/content_main/public/p1010104_0.jpg?itok=fU11RAQS×tamp=1565605760)
Det var stinn brakke i Grieghallen då dei nye SV-studentane vart ønska velkommen
Til saman har 1880 studentar takka ja til studieplass ved SV-fakultetet i år, og dette er ny rekord. SV-fakultetet held med det fast på sin posisjon som det fakultetet med flest studentar, og om lag 3700 personar studerer no her. Av desse er om lag 300 internasjonale studentar.
![semesterstart T-skjorte semesterstart T-skjorte](https://www.uib.no/sites/w3.uib.no/files/styles/content_main/public/p1010144.jpg?itok=-6GfBQQh×tamp=1565606045)
Studentane vart tekne imot av gruppeleiarar slik som David Olsen, som losa dei gjennom første studiedag
– At så mange vil studere her reflekterer nok at mange ser at det å studere samfunnsfag legg grunnlaget for å løyse dei store samfunnsutfordringane. Ved å studere hos oss kan ein også få ein god og spennande karriere seinare.
Det seier dekan Jan Erik Askildsen.