Studere meteorologi, oseanografi og klimadynamikk?
Frist for å søkje er 15. april.
![GFI-studenter i felt GFI-studenter i felt](https://www.uib.no/sites/w3.uib.no/files/styles/content_main/public/w2/fe/felt_studenter_530_6.jpg?itok=xFqLeeN-×tamp=1579188180)
Hovedinnhold
Er ekstremvêr eit resultat av klimaendringar? Kan all isen på jorda smelte, og kva skjer i tilfelle da? Kva vil globale klimaendringar ha å seie for klimaet i Noreg? Kva har forholda og rørslene i havet å seie for torskebestanden?
Stormkast, havstraumar, regnbyger, snøskred, CO2-opptak og hetebølgjer - det er fysikk alt saman.
Meteorologi omfattar studiet av vêrsystem, fysiske prosessar i atmosfæren, klima og klimaendringar. Fagområdet oseanografi omfattar studiet av ulike fenomen i havet og dei fysiske og kjemiske eigenskapane til sjøvatn. I både meteorologi og oseanografi bruker vi dei fysiske lovene, slik dei er formulerte i matematiske likningar, for å skildre og forklare fenomen i naturen.
Søknadsprosedyre
Fristen for å søkje er 15. april.
Du søkjer gjennom Samordna opptak (SO). Du finn søknadsskjema og meir informasjon på nettet: http://www.samordnaopptak.no
Søk opptak til Universitetet i Bergen og til bachelorprogrammet i meteorologi og oseanografi.
Tilrådde forkunnskapar
Undervisninga i bachelorprogrammet i meteorologi og oseanografi byggjer på Fysikk 1+2 og Matematikk R1+R2. Desse faga er ein føresetnad for å følgje tilrådd studieplan. Dersom du ikkje har Matematikk R1+R2 må du rekne med å utvida studietida med eitt år.
Ta gjerne kontakt med studierettleiar dersom du har spørsmål: studierettleiar@gfi.no