Klimavenleg offentleg sektor – korleis riggar vi oss for framtida?
Er ein grøn helsesektor mogleg?
Hovedinnhold
Vi har forplikta oss etter Paris-avtala til å halde global oppvarming under 2 grader. For å få til dette må offentleg sektor kutte stort i klimautsleppa. Vanlegvis prioriterer helsevesenet mellom kostnad, effektivitet og tilgang til behandling. Bør klimautslepp bli del av denne vurderinga? Korleis kan beslutningstakarane gjere best mogleg vurderingar?
Anand Bhopal (Bergen senter for etikk og prioritering (BCEPS)) er utdanna lege og forskar på skjeringspunktet mellom helseprioriteringar, klimaendringar og avkarbonisering av helsevesenet. I samtale med Simon Øverland (UiB) vil han ta oss gjennom korleis ein stor offentleg sektor kan bli grønare og korleis dei same prinsippa kan brukast på andre felt. Han vil også reflektere rundt korleis balansere mellom aktivisme og forskarrolla.
Arrangementet finn stad på Litteraturhuset i Bergen og er gratis og ope for alle.
Om serien
Korleis riggar vi oss for framtida?
Dei store samfunnsutfordringane kjem folk til Bergen for å løyse. På Universitetet i Bergen har vi forskarar som jobbar med alt frå krigens lover, ei aldrande befolkning og miljøvenleg helsevesen til korleis vi organiserer vårt vesle bergenske byrom.
I denne serien møter Simon Øverland (leiar for globale samfunnsutfordringar ved UiB) unge forskarar som finn framtidas løysingar.
Andre arrangement i serien
24. januar
Byrommet i Bergen
6. februar
Konflikt og krigsstøtte
6. mars
Demens
