Studieplan for MAHF-KIN Kinesisk, master 2 år, haust 2024
Namn på grad
Master i kinesiske studium
Omfang og studiepoeng
120
Fulltid/deltid
Full time
Undervisningsspråk
Engelsk og kinesisk
Studiestart - semester
Haust
Mål og innhald
Masterprogrammet i kinesiske studium er eit fulltidsstudieprogram over fire semester. Kursa som vert tilbydd eller inngår i programmet er laga for å utvikle studenten sine kunnskapar, ferdigheiter og kompetansar i ulike felt knytt til studiet av Kina. Masterprogrammet i kinesiske studium inneheldt nylaga kurs som fokuserer på tema innan kinesisk språk, litteratur, kultur og samfunn. Tema dekka i studiet gir grunnlag for kompetansar som er generelt etterspurt i samfunnet og spesialiserte fagkompetansar som språk, litteratursøk, kritisk tenkjing og analyse, språklæringspedagogikk, tverrfagleg og interkulturelt samarbeid og kunnskapsformidling.
Kva gjeld læringsmål, så vil studenten etter å ha fullført masteremna ha
1) tileigna seg djupnekunnskap om akademiske teoriar og metodar for feltstudier
2) lært analytiske ferdigheiter om kritisk kjeldevurdering, evaluering og samanlikning av etablert teori, og nytte relevante forskingsmetodar for å gjennomføre sjølvstendig forsking og kunne bidra med nye og innovative funn 3) ha kommunikative ferdigheiter til å kunne diskutere og drøfte akademiske problemstillingar med bruk av fagspråk og fagets nemningsbruk.
For å kunne gradvis forbetre studentane sine språkferdigheiter så dei evnar å omsetje, granske og vurdere kinesiske kulturelle og akademiske produkt, vil kursa integrere kinesiskspråklege kjelder, både primærkjelder og sekundærkjelder. For å setje studentane i stand til å kunne gjere uavhengig forsking og bidra med nye og innovative funn basert på kinesiske primærkjelder, vil studentane eksperimentere med akademisk litteratursøk i kinesiske databasar, gjere datainnsamling gjennom det kinesiske internettet og kinesiske sosiale medium, og lære å kritisk vurdere desse ulike kjeldene.
Det strukturelle oppsettet av masterprogrammet er 120 studiepoeng og er sett saman av to hovuddelar: emne (60 poeng) og masteroppgåve (60 poeng).
Det er fire obligatoriske emne som vert tilbudd av fagmiljøet i kinesisk, og eit valfritt emne som kan veljast frå ei førehandsgodkjent liste over valfrie emne på Det humanistiske fakultet eller andre fakultet.
Studentane vert oppmoda om å finne eit forskingstema for masteroppgåva og skrive rettleiingskontrakt så tidleg som mogleg i det andre semesteret.
Læringsutbyte
Etter gjennomført masterprogram i kinesiske studium, kan kandidaten ventast å oppnå ei rekke læringsutbyte kva gjeld kunnskapar, ferdigheiter og generell kompetanse:
Kunnskap
Kandidatane
- vil ha tileigna seg avanserte kunnskapar basert på kva han/ho har tidlegare tileigna seg gjennom spesialiserte emne innan kinesiske studium
- vil ha tileigna seg avansert kunnskap innan fagfeltet kinesiske studium med generelle og spesialiserte innsikter i avgrensa underfelt, for å kunne forsterke si interkulturelle forståing
- vil ha grundige kunnskapar om sentrale akademiske og teoretiske debattar og metodar nytta innan det utvalde faget
- vil vere i stand til å analysere akademiske problemstillingar innan underfelt og anvende den tileigna kunnskapen innan andre og nye underfelt
Ferdigheiter
Kandidatane
- er i stand til å arbeide uavhengig og på lang sikt løyse problem ut frå sine kunnskapar om Kina og kinesisk språk, litteratur, samfunn og kultur
- er i stand til å kritisk vurdere og forklare teoriar, metodar og tolkingar innan kinesiske studium
- evnar å nytte relevante metodar for å tileigne seg kunne om nye underfelt innan kinesiske studium
- er med rettleiing i stand til å utføre forskingsprosjekt med distinkte forskingsspørsmål og i tråd med etablerte forskingsetiske normar
- er i stand til å nytte IKT-verktøy og naudsynte elektroniske databasar for å kunne utføre sjølvstendig arbeid innan kinesiske studium
Generell kompetanse
Kandidatane
- er i stand til å sjølvstendig vidareutvikle kompetansane og spesialiseringane sine
- kan nytte kunnskapane sine og formulere problemstillingar, analyser og konklusjonar gjennom akademisk fagspråk innanfor sitt fagfelt på engelsk og kinesisk
- er kjende med relevante formidlingssjangrar slik som konferanseinnlegg og andre innlegg
- kan bidra til den akademiske og den offentlege samtalen knytt til faget og tilby nye og innovative refleksjonar og innsikter
Opptakskrav
For å kunne søke opptak på masterprogrammet i kinesiske studium, må søkjaren ha ei bachelorgrad i kinesisk/kinesiske studium, sinologi eller andre relevante fag. Søkjaren må ha minst 80 ECTS innan relevante emne slik som kinesisk språk, historie, litteratur, kultur eller liknande. Gjennomsnittleg karakter for bachelorgrada må vere C eller høgare.
Sidan kursa hovudsakleg vert undervist på engelsk, må søkjaren ha tilstrekkelege kunnskapar i engelsk både munnleg og skriftleg. I tråd med relevante retningslinjer frå UiB, vil eit av dei følgjande testresultata kunne godtakast:
IELTS academic - International English Language Testing System
Minste samla band score: 6.5
TOEFL - Test of English as a Foreign Language, internett-based test (iBT), and TOEFL iBT Special Home Edition
Minste samla poengsum: 90
PTE Academic - Pearson Test of English Academic
Minste samla poengsum: 62
Testresultata må vere gyldige (ikkje eldre enn to år) ved søknadsfristens utløp.
Obligatoriske emne
KIN301, KIN302, KIN303, KIN304, KIN350
Spesialisering
Ikkje relevant.
Tilrådde valemne
KIN305 Interkulturell kompetanse (10 studiepoeng)
KIN306 Sjølvstendig studium (10 studiepoeng)
LING313 Metode for språklege mastergradar (15 studiepoeng)
MERK: lista over valfrie emne er open. Studentar kan søkje om å få ta andre valemne. Søkjaren må levere ein formell søknad om å få ta eit anna emne som valemne, og tilfredsstillande grunngje valet samt leggje fram detaljert emneskildring til vurdering. Programstyret for kinesiske vil handsame søknadane og innvilge (eller avslå) frå sak til sak etter individuell handsaming.
Rekkefølgje for emne i studiet
Tilrådd rekkefølgje for kursa i programmet er som følgjer:
Første år
Semester 1 haust
KIN301 Tema innan anvendt kinesisk lingvistikk (15 SP),
KIN302 Forskingsmetodar i kinesiske studier (15 SP).
Semester 2 vår
KIN303 Tema innan kinesisk sosiolingvistikk (10 SP),
KIN304 Tema ionnan kinesisk litteratur, filosofi, medier og kunst (10 SP), og
Eitt førehandsgodkjent valemne, vald blant dei følgjande emna:*
KIN305 Interkulturell kompetanse (10 SP)
KIN306 Sjølvstendig studium (10 SP)
LING313 Metode for språklege mastergradar (15 SP)
* desse emna er stadfesta tilgjengelege for studentane på masterprogrammet i kinesiske studium. Studentar kan òg velje andre emne tilbydd ved UiB eller andre institusjonar som valemne etter godkjenning frå programstyret for kinesisk.
Alle modular i kursdelen av programmet må vere fullført før ein leverer masteroppgåva.
Andre år
Semester 3 og 4, haust og vår
KIN350 Masteroppgåve i kinesiske studium (60 SP)
Delstudium i utlandet
I det andre året av masterprogrammet kan studentane, om naudsynt, reise til utlandet for å gjere feltarbeid eller datainnsamling i samband med masteroppgåva.
Programstyret har byrja kontakte institusjonar i utlandet for å undersøke om det kan inngåast utvekslingsavtalar våre studentar kan reise på. Når formelle utvekslingsavtalar er etablert, kan studentar på masterprogrammet søkje om å ta delar av studia på institusjonar i utlandet.
Arbeids- og undervisningsformer
Undervisninga på masternivå er forskingsbasert, og det vert venta at studentane tek ei aktiv rolle i læringa. Dei primære læringsmetodane inkluderer digital samarbeidslæring, sjølvstendige prosjekt, individuelle oppgåver og gruppeoppgåver med og utan rettleiing, studentleidde diskusjonsgrupper, munnlege framføringar, eigenstudium og så bortetter. Desse metodane inngår i ulike kurs og er ofte kombinert på ulike måtar for å skape ein samanheng mellom undervisning, skildra læringsutbyte og vurderingsformer. Det vil verte organisert slik at førelesingar, seminar og ulike læringsaktivitetar kan verte gjennomført både fysisk og digitalt, etter kva som er rekna som mest teneleg for dei ulike emna. I alle læringsprosessar er aktiv studentdeltaking sterkt tilrådd.
Kursa vert i hovudsak undervist på engelsk, men med omfattande analytiske døme og tekstar på kinesisk. I førelesingane vil utvalde tema frå disiplinen verte diskutert. Dei primære undervisningsaktivitetane inneheldt litteraturgjennomgang, nøkkelkonsept og faglege perspektiv innan temaet, historisk gjennomgang av temaet og temaets kunnskapsbase og korleis denne har vorte utvikla. Det vil verte lagt til rette for dialogar med studentane om tematikkane og deira relevans for konkrete problemstillingar i arbeidsliv og samfunnsliv. Førelesingane vil i hovudsak vere fysiske førelesingar. I tillegg vil det vere aktuelt med gjesteførelesingar på utvalde tema, og for desse vil digitale førelesingar over Zoom (eller liknande digitale plattformar) vere hovudregel.
Seminar er ein annan viktig undervisningsmetode som legg vekt på studentdeltaking. Gjennom undervisnings- og læringsprosessen skal studentane delta i diskusjon og samarbeide om å samle inn, analysere og nytte tematisk kunnskap, litteratur og annan relevant informasjon, og kunne halde presentasjonar, øve på argumentasjon og trene på skriving. Studentane vil særleg gjennom seminara drive gruppearbeid med ulike case-oppgåver, og i somme tematikkar vil det verte lagt opp til student-leidde diskusjonsgrupper. Føremålet er at studentane lærer å samle inn, vurdere og nytte relevant informasjon, teori og metodologi i møte med ulike typar oppgåver og problemstillingar innan fagfeltet kinesiske studium.
Dei kursansvarlege vil gje rettleiing til studentane sine forskingsoppgåver eller forskingsprosjekt og tilby råd knytt til alle aspekt ved forskinga slik som datainnsamling, dataanalyse og akademisk skriving. I dei ulike kursa vil dei vitskapleg tilsette som hovudregel gje individuell rettleiing til studentane sine forskingsprosjekt.
I somme kurs vil det verte lagt til rette for at studentane kan samarbeide via ulike digitale løysingar. Til dømes kan studentane verte pålagde å kommentere utkasta til medstudentar. Dette er ein måte å utvikle studentane si evne til kritisk tenkjing. Eit anna døme kan vere å melde studentane på digitale webinar, digitale workshops eller konferansar for å utvide studentane sitt akademiske perspektiv, hjelpe dei følgje forskingsfronten og etablere akademiske og sosiale nettverk. Slike læringsaktivitetar vil vere basert på løysingar som allereie er integrert i Mitt UiB, slik som Zoom og Teams.
I dei sjølvstendige prosjekta vil studentane gjere studentforsking på sjølvvalde tema i samanheng med kursa. Dei spesifikke forskingstemaa må verte godkjente av kurshaldarane/rettleiarane, og studentane gjer uavhengig studentforsking, med rettleiing om naudsynt.
Vidare vil det for somme tema i kursa vere naudsynt med studentleidd gjennomgang av kursets faglitteratur. Ein student vil verte gjeven rolla som ordstyrar. I seminara vil ordstyraren diskutere den generelle faghistoria for forskingsområdet, og deretter leggje fram førebudde spørsmål til gruppediskusjonen, for så å oppsummere hovudpoenga frå diskusjonen. Medstudentane må delta aktivt i diskusjonen, og ordstyrar vil tilretteleggje for god diskusjon.
Gjennom ulike undervisnings- og læringsformer vil studentane få høve til å tilnærme seg tematikkane på ulike måtar. For meir informasjon om undervisnings- og læringsformene, sjå emneskildringane for dei ulike emna.
Vurderingsformer
Masterprogrammet nyttar ulike vurderingsformer for å måle læringsutbytta, som skriftlege eksamenar (skuleeksamen og heimeeksamen), rettleidde semesteroppgåver, munnlege eksamenar, masteroppgåve og munnleg forsvar av masteroppgåva.
Vurderingsformene er skildra i emneskildringane for dei ulike emna, og er tilpassa læringsutbyttet i dei ulike emna. For meir informasjon om vurderingsformer, gå til dei einskilde emneplanane.
Desse varierte vurderingsformene gjev studentane moglegheit til å vise at dei meistrar kunnskapen, ferdigheitene og dei generelle kompetansane skildra i emneskildringane. Karakterskala frå A til F vil verte nytta.
Karakterskala
Dei individuelle emna og masteroppgåveemnet er vurdert etter karakterskala A-F, der F er stryk.
Sjå emneplanen for det einskilde emnet.
Vitnemål og vitnemålstillegg
Vitnemål og vitnemålstillegg blir skrive ut etter at graden er fullført.
Grunnlag for vidare studium
Fullført masterprogram med gode resultat kvalifiserer til å søkje om opptak på doktorgradsstudium i relevante fag.
Studentar som planlegg å ta PPU, må sørge for å få dekka opptakskrava i løpet av studieløpet sitt. Informasjon finn ein på www.uib.no/studieprogram/PRAPED
Merk at UiB ikkje har PPU tilbod i kinesisk for tida.
Relevans for arbeidsliv
Samfunnet treng menneske som vedkjenner kor viktig humaniora og kunnskapen derfrå er for både samfunn og individet. Med ei mastergrad i kinesiske studium er kandidaten godt trent i å grundig gjennomgå, analysere og vurdere kjelder, kommunisere tydeleg og skilje mellom fakta og meining. Mastergrada vil setje kandidaten i stand til å jobbe i både privat og offentleg sektor, og gje kandidatane moglegheit til å søkje ein karriereveg innan område der kompetansar knytt til undervisning og forsking og utvikling er naudsynt kompetanse. Til dømes kan kandidatane frå masterprogrammet i kinesiske studium vidareutdanne seg til å undervise kinesisk på ulike nivå i skulevesenet, etter å ha teke den naudsynte PPU-etterutdanninga. Kandidatane kan også inngå i forskingsprosjekt, som vitskaplege assistentar/forskingsassistentar eller prosjektmedarbeidarar, og bidra til å utvikle forskingsprosjekt, datainnsamling og analyse.
Generelt kan ein seie at mastergrada i kinesiske studium gjev studenten høve til å jobbe som eller med; språklærar i skuleverket, forskingsassistent eller forskar, rådgjevar i utdanningssektoren, studieadministrativt arbeid på universitet eller høgskule. Kandidaten kan òg jobbe innan offentleg sektor der det er behov for kinesiske språkferdigheiter og/eller Kina-relatert kunnskap.
Det vil òg finnast moglegheiter for karriere i fleire sektorar, kinesiske føretak i Noreg eller norske selskap som gjer forretningar i Kina eller med kinesiske partnarar, eller i «Greater China» som region, og dessutan internasjonale organisasjonar, NGO-ar, kulturelle foreiningar, produksjonsverksemder, museum og så bortetter.
Evaluering
Masterprogrammet blir kontinuerleg evaluert i tråd med retningslinene for kvalitetssikring ved UiB. Emne- og programevalueringar finn ein på kvalitetsbasen.uib.no
Programansvarleg
Programstyret for kinesiske er ansvarleg for det akademiske innhaldet og strukturen i masterprogrammet, og for kvaliteten i alle kursa som inngår. Dersom endringar i studieplanen vert føreslege, vil programstyret halde eit møte der vitskapleg stab, studentrepresentant(ar) og studierettleiar drøftar endringsforslaget og kjem til ei semje som vert vidareformidla til dei relevante organ for godkjenning.
Administrativt ansvarleg
Institutt for framandspråk ved Det humanistiske fakultet har det administrative ansvaret for studieprogrammet.
Kontaktinformasjon
studierettleiar@if.uib.no
Tlf. 55 58 93 70