Hochschule für Musik und Theater Hamburg og Griegakademiet ¿ Institutt for musikk (ERASMUS+)

Om avtalen

Kven kan søke

Studentar på bachelor- og masterprogram i utøvande musikk eller komposisjon ved Griegakademiet, Institutt for musikk. For meir informasjon, sjå: https://www.uib.no/kmd/111762/reise-p%C3%A5-utveksling#griegakademiet-institutt-for-musikk

Når i studiet kan eg reise

Det passar best å reise på utveksling i 3. studieår av bachelorprogrammet. Vi tilrår at bachelorstudentane reiser ut heile studieåret, altså både i haust- og vårsemesteret.

Språk

Sjå lærestaden sine heimesider for informasjon om undervisningsspråk.

Kva emne kan eg ta

Utøvande emner som erstattar hovedinstrument (25 stp) og utøvande støttedisiplin (5 stp) og 30 frie studiepoeng som inngår i graden som valemne.

Det er ein føresetnad at emna du vel ikkje overlappar i nivå eller innhald med emne du har tatt tidlegare, eller planlegg å ta seinare ved UiB.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Dette er ein av dei største musikkhøgskulane i Tyskland. Lærestaden blei grunnlagt i 1950 som Staatliche Hochschule für Musik, basert på den tidlegare private skodespelarskulen til Annemarie Marks-Rocke og Eduard Marks. HfMT ligger i sentrum av ein av de vakraste og mest kulturelle byane i Tyskland, og tilbyr eit breitt spekter av utdanningar på høgt kunstnarisk nivå. HfMT gir studentane moglegheita til å opptre for eit variert publikum, og byr på meir enn 400 arrangement årleg. Studietilbodet inkluderer ulike retningar, inkludert kyrkjemusikk, jazz, popmusikk, komposisjon, direksjon, instrumentalmusikk og vokal. Teaterhøgskulen tilbyr studier i drama og opera. Eit tredje akademi tilbyr vitskaplege og pedagogiske studiar (musikkvitskap, musikkutdanning og -terapi).

Hamburg er både by og ein delstat (bundesland) i Tyskland. Med sine om lag 1,8 millionar innbyggarar, er Hamburg Tysklands nest største by og landets viktigaste havneby. Hamburg høyrer også til Tysklands viktigaste industribyar. Byen er eit viktig knutepunkt for veg-og jernbanetrafikken mellom kontinentet og Skandinavia. Den har mange fagskular, mellom anna høgskular for musikk, bildande kunst, økonomi , politikk og administrasjon. Framtredende museum i byen er Kunsthalle, kunst- og kunstindustrimuseet, etnografisk museum og historisk museum.

Bustad

Internasjonalt kontor ved lærestaden kan gje informasjon om bustad.

Semesterinndeling

oktober - mars

april - juli