Universidade Federal do Rio Grande og Universitetet i Bergen (BILATERAL)

Om avtalen

Kven kan søke

Avtalen er knytta til INTPART-prosjektet «Environmental sustainability, marine economies and gendered socio-economic inequalities (ENMARINE): A Norway-Brazil partnership in research and teaching 2020-2026» som er heimehøyrande ved Institutt for Sosialantropologi. Avtalen passar best for studentar frå HF og SV, men er og relevant for studentar frå t.d. det matematisk-naturvitskaplege fakultet med interesse for samfunnsfaglege problemstillingar.

Studentar som blir godkjent for utveksling vil óg bli inviterte til å ta del i ulike aktivitetar knytt til prosjektet. Sjå prosjektsida eller ta kontakt med prosjektleiar Iselin Åsedotter Strønen for meir informasjon.

Ei prosjektgruppe ved FURG tilknytta ENMARINE-prosjektet vil ta i mot dei norske studentane og hjelpe dei med praktisk tilrettelegging og sosial inkludering.

Når i studiet kan eg reise

Ta kontakt med studierettleiaren ved instituttet/fakultetet du studerer ved for informasjon om når det passar å reise ut på ditt studieprogram. Det er kun mogleg å dra på utveksling til FURG i vårsemesteret.

Språk

Alle emne vil bli undervist på portugisisk, men det vil og være mogleg å kommunisere på spansk til dagleg, då nærleiken til Uruguay gjer at dei fleste meistrar spansk. FURG tilbyr tilrettelagt kurs i portugisisk for norske studentar i februar månad. Semesteroppstart er tidleg i mars. Språkkurset har eit omfang som gjev rett til ekstra støtte frå Lånekassen. Søkarar må dokumentere eller sannsynliggjere grunnleggjande spansk- eller portugisiskkunnskapar for å få førehandsgodkjenning av UiB.

Kva emne kan eg ta

Studentar frå UiB vil bli innskrivne enten i FURG sitt bachelorprogram (licenciatura) i pedagogikk ved Institutt for Utdanning eller bachelorprogrammet i miljøforvaltning ved Institutt for Oseanografi. Det er mogleg å ta emner ved begge institutta så framt timeplanen ikkje overlappar. Døme på emner som blir tilbydd ved bachelorprogrammet i pedagogikk er:

Utdannelsens sosiologiske grunnlag, sosialantropologiske studier av barn og ungdom, didaktikk, utdanningspsykologi, og utdanning, miljø, kultur og forskjeller.

Ein meir detaljert oversikt finn du her (sjå semester 1, 3 og 5, som er vårsemesteret, nokre endringar kan førekome sidan timeplan for 2024 enda ikkje er klar):

https://ie.furg.br/grade-curricular.html

Døme på emne som blir tilbydd ved bachelorprogrammet i miljøforvaltning er:

Systemøkologi, introduksjon til sosioøkononomisk analyse, introduksjon til økologiske prosesser, anvendt geologi i miljøforvaltning, introduksjon til miljøforvaltning, og brasiliansk miljølovgivning.

Ein meir detaljert oversikt finn du her (sjå semester 1, 3 og 5, som er vårsemesteret, nokre endringar kan førekome sidan timeplan for 2024 enda ikkje er klar):

https://sistemas.furg.br/sistemas/paginaFURG/publico/bin/cursos/tela_qsl_visual.php?cd_curso=302*1028

Som del av undervisninga vil studentane òg delta i sosiale prosjekt som FURG driv, t.d. knytt til solidarisk økonomi, økologisk jordbruk, eller utdanning av vanskelegstilt ungdom. Dette vil være del av det endelege kursbeviset. Studentane frå UiB vil få hjelp til å setje saman timeplanen.

Studentane frå UiB vil óg gjere ein feltekskursjon i løpet av semesteret som del av ENMARINE-prosjektet. Prosjektleiar for ENMARINE, førsteamanuensis Iselin Åsedotter Strønen ved Institutt for Sosialantropologi ved UiB, vil delta på denne ekskursjonen.

Ei prosjektgruppe ved FURG tilknytta ENMARINE-prosjektet vil ta i mot dei norske studentane og hjelpe dei med praktisk tilrettelegging og sosial inkludering.

Studieavgift

FURG er eit offentleg universitet og det er ingen studieavgifter for å studere der.

Lånekassen tilbyr studentar som reiser på utveksling til Brasil kr. 2 675 ekstra i stipend i månaden som del av Panoramastrategien.

Om lærestaden

Om lærestaden og byen

Universidade Federal do Rio Grande (FURG) er eit føderalt (statleg) universitetet i den sørlegaste delstaten i Brasil, Rio Grande do Sul, og har til saman fire campus rundt i delstaten. Carreiros Campus der UiB-studentane skal helde til er hovudcampusen, og ligg mellom byen Rio Grande, og den mindre satellittstrandbyen Cassino. FURG presenterar campusen slik:

“Founded in 1971, Carreiros Campus was projected to be an environment for people’s interaction, a place where teaching, research, extension, culture and innovation could go hand in hand. It is a green area of 250 hectares allowing the proximity with nature during academic life. Its facilities are composed by more than a hundred classrooms, several labs, university’s restaurants, dormitories, a community center and a central library, apart from all business and support units. All these aimed at guaranteeing suitable facilities and safety to our students and employees, as well as to the community using the campus” *.

FURG er sterkt deltakande i samfunnslivet rundt seg, blant annan med eigne sosiale prosjekt som både studentar og tilsette deltek i. Universitetet framhevar seg særleg innan forsking og undervisning knytta til hav og marint liv, og den første utdanninga i oseanografi i Brasil vart tilbydd her. Universitetet har rundt 3000 studentar og rundt 1000 vitskapleg tilsette. På campus blir det tilbydd subsidiert kantine for studentar og tilsette.

Delstaten Rio Grande do Sul grensar både til Argentina og Uruguay, og gaucho (cowboy)-kulturen står sterkt. Det er ein velståande delstat, med stor produksjon av både kjøt- og jordbruksprodukt, i tillegg til industri. Den har eit rikt dyre- og fugleliv og mykje vakker natur, inkludert den største lagunen i Sør-Amerika, Lagoa dos Patos. Delstatshovudstaden er Porto Alegre.

Byen og kommunen Rio Grande - med i overkant av 200 000 innbyggarar - er ein kystby, og ein av Brasil sine største og viktigaste kommersielle hamner er heimehøyrande her. Strandbyen Cassino med ca. 20 000 innbyggarar er Brasil sin eldste badeby (est. 1890); kanskje ikkje så rart når det og er verdas lengste strand (ca 250 km)! Det lengste strandultraløpet i verda blir arrangert her.

Cassino er rekna som ein trygg småby med lite kriminalitet etter brasiliansk standard. I sommarmånadane er stranda stappfull av både lokalbefolkning og tilreisande som grillar, badar, driv med sport og nyt strandlivet. Når sommaren går mot hell i mars/april blir den litt mindre folksam, men det blir framleis nytta til jogging, sykling og sosialisering på varme dagar.

Bustad

Studentane vil få hjelp av prosjektgruppa ved FURG tilknytta ENMARINE-prosjektet med å finne bustad på det private leigemarknaden i strandbyen Cassino, som ligg ca. 20 minutter frå FURG sin campus.

Der kan dei enkelt kome seg rundt med sykkel og til fots, og der det er eit rikt utval med restaurantar, barar og moglegheiter for sports- og fritidsaktivitetar. Det går shuttelbuss mellom Cassino og FURG sin campus fleire gongar for dagen.

Semesterinndeling

Februar- juni og august - desember