Universität Leipzig og Kjemisk institutt (ERASMUS+)

Om avtalen

Kven kan søke

Avtalen gjeld for studentar ved bachelorprogrammet i kjemi.

Når i studiet kan eg reise

Etter at du har bestått eksamenar tilsvarande 60 studiepoeng kan du tilpasse utreisetidspunktet etter kva som passar med emna i utdanningsplanen. God planlegging er viktig for eit utbyterikt utvekslingsopphald.

Språk

Undervisningsspråket er gjort greie for i emneskildringane. Det er naudsynt med gode forkunnskapar i tysk for å følge undervisninga i emne som berre har tysk som undervisningsspråk. Vi anbefaler fortrinnsvis å følge emne med undervisning på engelsk. Det er fleire måtar å førebu seg språkleg på før utreise. Sjå uib.no for informasjon om språkkurs og språktandem.

Les meir om krav til forkunnskapar i språk på universitetet si heimeside: http://www.zv.uni-leipzig.de/en/study/international-study/incoming-exchange-students.html

Kva emne kan eg ta

Ver merksam på at det er obligatoriske emne i andre og tredje studieår av bachelorstudiet i kjemi som må dekkast inn under utvekslingsopphaldet. Det er derfor naudsynt å finne emne som kan erstatte dei emna du elles skulle ha tatt ved UiB i utvekslingssemesteret. Ta tidleg kontakt med studierettleiar på e-post når du skal planlegge utvekslingsopphaldet ditt og velje emne. Kontaktadressa er studierettleiar@kjemi.uib.no.

Du kan òg velje emne som skal inngå som frie studiepoeng i bachelorgraden. Da kan du velje fritt mellom emna universitetet tilbyr. Det er ein føresetnad at emna du ikkje overlappar med emne du har tatt før eller planlegg å ta seinare ved UiB. Ver merksam på eventuelle faglege forkunnskapskrav til emna.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Universitetet i Leipzig blei grunnlagt i 1409, og er eit av Tysklands eldste. Det har 14 fakultet, eit breitt fagtilbod og rundt 30 000 studentar. Blant universitetets alumnar er Nietzsche, Wagner, Goethe og Merkel. Universitetet har ingen samla campus, men har bygningar spreidd rundt i byen.

Leipzig er ein tidlegare industri- og handelstad med rundt ein halv million innbyggarar. Han ligg i delstaten Sachsen, aust for Berlin. Etter at kolindustrien blei nedlagd, har det blitt etablert store grøntareal og parkar rundt om i byen. Du får kjøpt rimeleg semesterbillett til kollektivtrafikken, som stort sett går på skinner i Leipzig.

Bustad

Universitetet samarbeider med den lokale studentsamskipnaden om å tilby bustad til internasjonale studentar i Leipzig, så langt kapasiteten rekk. Det kan vere vanskeleg å finne rimeleg prisa bustad på den private marknaden i tida rundt semesterstart.

Semesterinndeling

Oktober - mars og april - juli/august.

2016