Universität Potsdam og Institutt for økonomi (ERASMUS+)

Om avtalen

Kven kan søke

Studentar på programma i samfunnsøkonomi har fortrinn på plassane. Studentar frå andre samfunnsvitskapelege fagområde blir vurdert om det er plassar ledig.

Søkaren må ha tatt minimum 60 studiepoeng ved utreise.

Når i studiet kan eg reise

Studentane må ha fullført 60 studiepoeng før avreise. Studentar ved bachelorprogrammet i samfunnsøkonomi vert råda til å dra på utveksling etter at dei har bestått 3. semester. Studentar som går bachelorprogrammet i politisk økonomi vert råda til å reise på utvekslingen i 4. semester. Studentar på profesjonsstudiet i samfunnsøkonomi vert råda til å reise på utveksling i 4. eller 8. semester. Masterstudenter bør reise i 2. semester.

Det er mogleg å søke for eitt semester eller eit heilt år. På grunn av semesterinndelinga er det ikkje mogleg å reise for berre haustsemesteret.

Språk

Undervisningsspråka er tysk og engelsk. Det er anbefalt å ha språkkunnskapar tilsvarande B1-nivå (CEFR) i tysk.

Institusjonen tilbyr tysk språkkurs til utvekslingsstudentar. Lånekassen har eit eige stipend ein kan søke for å få dekt utgifter til førebuande språkkurs i utlandet.

Kva emne kan eg ta

Innreisande studentar blir ein del av Faculty of Economics and Social Sciences på Campus Griebnitzsee (som ligg nærast Berlin), og kan ta ei rekke emne på tysk og engelsk.

Her finner du en oversikt over hvilke emne som går: http://www.uni-potsdam.de/studium/en/studying/coursecatalogs/

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Universität Potsdam blei grunnlagt så seint som i 1991, på grunnlag av ei samanslåing mellom to statlege høgskular i Brandenburg. Det er no det største universitetet i delstaten, med om lag 22 000 studentar, fordelte på fem fakultet og tre campusar. Den eine campusen ligg i palasset Sanssouci, som er eitt av universitetet sine mange praktbygg.

Potsdam har rundt 140 000 innbyggarar og ligg i delstaten Brandenburg, på grensa til den sørvestlege delen av Berlin. Byen har historisk bakgrunn som residens for adel og kongelege, men har elles aldri vore noko maktsentrum. Rundt byen fins eit fleirtal små innsjøar og naturlege landemerke. Byen er prega av universitetet og aktivitetar knytt til ei rekke uavhengige forskingssentre.

Bustad

Universitetet har eit velkomstkontor som hjelper internasjonale studentar i leitinga etter bustad. Dei fleste studentbustadane i Potsdam er drifta av den lokale studentsamskipnaden. Mange vel òg å pendle mellom Potsdam og Berlin. Togturen tek litt over ein halv time.

Semesterinndeling

Oktober - mars og april - august.

2017

2015