École des Beaux-Artes Nantes og Kunstakademiet ¿ Institutt for samtidskunst (ERASMUS+)

Om avtalen

Kven kan søke

Avtalen gjeld for studentar på bachelor- og masterprogrammet i kunst. Det er eit krav at du må tatt minst 60 studiepoeng før avreise.

Når i studiet kan eg reise

For bachelorstudentar i kunst er det mogleg å reise på utveksling i 3. og/eller 4. semester. For masterstudentar er 2. semester best eigna for utveksling. Ta kontakt med hovudrettleiar om du er usikker på når det passar best.

Språk

Sjå lærestaden sine heimesider for informasjon om undervisningsspråk.

Kva emne kan eg ta

Frie studiepoeng - du kan velje emne fritt innanfor det fagfeltet som avtalen gjeld for.

Det er ein føresetnad at emna du vel ikkje overlappar i nivå eller innhald med emne du har tatt tidlegare, eller planlegg å ta seinare ved UiB.

Studieavgift

Erasmus-studentar betaler ikkje studieavgift ved vertsuniversitetet, men skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

École des Beaux-Artes Nantes Saint-Nazaire vart grunnlagt i 1904 og er ein av dei eldste kunstskulane i Frankrike. I 2017 flytta skulen til eit nytt bygg som ligg i hjartet av Qartier de la Création, ein kreativ stad, dedikert til kunst og kulturindustri. Nantes Saint-Nazaire School of Art er kjend som den femte beste kunstskulen i Frankrike, og har også fått internasjonal merksemd. Kvart år er det om lag 300 studentar som studerer moderne kunst og visuell skaping her.

Nantes og Saint-Nazaire ligg i det vestelege Frankrike. Nantes er ein by som strekker seg langs breidda av Loire og er ein av Frankrikes fem beste studentbyar. Det er om lag 60 000 studerer her i byen, og om lag 10 % er internasjonale.

Bustad

Ta kontakt med internajonalt kontor ved École des Beaux-Artes Nantes Saint-Nazaire. Lærestaden er tildelt utmerkinga "Bienvenue en France" for høg kvalitet på mottak av internasjonale studentar, som får god oppfølging både før og under opphaldet.

Semesterinndeling

september - januar

januar - mai

2018