Cardiff Metropolitan University og Fakultet for kunst, musikk og design (ERASMUS+UK)

Om avtalen

Kven kan søke

Avtalen gjeld for studentar på bachelor- og masterprogramma i kunst og design. Det er eit krav at du må tatt minst 60 studiepoeng før avreise.

Når i studiet kan eg reise

For bachelorstudentar i kunst er det mogleg å reise på utveksling i 3. og/eller 4. semester. For bachelorstudentar i design er det mogleg å reise på utveksling i 4. semester. For masterstudentar er 2. semester best eigna for utveksling. Ta kontakt med hovudrettleiar om du er usikker på når det passar best.

Språk

Undervisningsspråket er engelsk. Sjå lærestaden sine heimesider for meir informasjon.

Kva emne kan eg ta

Frie studiepoeng - du kan velje emne fritt innanfor det fagfeltet som avtalen gjeld for.

Det er ein føresetnad at emna du vel ikkje overlappar i nivå eller innhald med emne du har tatt tidlegare, eller planlegg å ta seinare ved UiB.

Studieavgift

Studentar som reiser på Erasmus-avtalar til Storbritannia får ikkje Erasmus-stipend på grunn av Brexit (Storbritannia er ikkje lenger med som programland i Erasmus-programmet), men treng ikkje betale studieavgift ved vertsuniversitetet. Alle utvekslingsstudentar skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Cardiff Metropolitan University har historie tilbake til 1865. Cardiff Metropolitan har omtrent 11 000 studentar med over 1 200 internasjonale studentar frå meir enn 143 land. Universitetet tilbyr eit breitt spekter av bachelor- og masterprogram. Universitetet består av to campus, Llandaff og Cyncoed. Campus Llandaff er heimstaden til mellom anna Cardiff School of Art & Design, Management og Sport & Health Sciences.

Cardiff er hovudstaden i Wales og Europas yngste hovudstad. Her bur det omlag 470 000 menneske. Cardiff er basen for dei fleste nasjonale kulturinstitusjonar og mediar, og er sete for Senedd Cymru, parlamentet i Wales. Cardiff er ein flott stad å være student. Studentar blir tilbode ein veldig høg levestandard til relativt låge kostnader samanlikna med mange andre byar i Storbritannia. Cardiff er ein livleg by som tilbyr ei rekke førsteklasses fasilitetar for shopping, sport, underholdning, uteliv og sightseeing.

Bustad

Cardiff Met tilbyr innkvartering i sine Halls of Residences. Eit eige bustadskontor gir deg oversikt over private bustadar for utleige, i tillegg til bustadsbyrå, og dei kan gje råd angåande leigeavtalar og kontraktar.

Semesterinndeling

september - desember

januar - juni