Newcastle University og Kunstakademiet ¿ Institutt for samtidskunst (ERASMUS+UK)

Om avtalen

Kven kan søke

Avtalen gjeld for studentar på bachelorprogrammet i kunst. Det er eit krav at du må tatt minst 60 studiepoeng før avreise.

Når i studiet kan eg reise

For bachelorstudentar i kunst er det mogleg å reise på utveksling i 3. og/eller 4. semester. Ta kontakt med hovudrettleiar om du er usikker på når det passar best.

Kva emne kan eg ta

Frie studiepoeng - du kan velje emne fritt innanfor det fagfeltet som avtalen gjeld for.

Det er ein føresetnad at emna du vel ikkje overlappar i nivå eller innhald med emne du har tatt tidlegare, eller planlegg å ta seinare ved UiB.

Studieavgift

Studentar som reiser på Erasmus-avtalar til Storbritannia får ikkje Erasmus-stipend på grunn av Brexit (Storbritannia er ikkje lenger med som programland i Erasmus-programmet), men treng ikkje betale studieavgift ved vertsuniversitetet. Alle utvekslingsstudentar skal registrere seg og betale semesteravgift ved UiB for heile den tida dei er ute.

Om lærestaden

Om lærestaden og byen

Newcastle University har røter tilbake til 1834. Historia til universitetet starta med etableringa av School of Medicine and Surgery, samt Armstrong College som vart etablert i 1871. Dei over 20 000 studentane kan velge mellom mange ulike utdanningar innan eit breidt spekter av fagområde. Undervising og forsking er fordelt på tre fakultet, der fakultet for humaniora og samfunnsvitskap er det største. The School of Arts and Cultures tilbyr fleire tverrfalgege studiar innan kunst, musikk, media og kultur ved Newcastle University.

Newcastle upon Tyne, ofte forkorta til Newcastle, er ein by ved elva Tyne nordaust i England. Med om lag 300 000 innbyggarar er dette det åttende mest folkerike byområdet i Storbritannia. Byen utvikla seg rundt den romerske busettinga Pons Aelius og vart namngjeven etter slottet Newcastle som vart bygd her i 1080.

Bustad

Internasjonale studentar ved Newcastle University har bustadsgaranti. Instruksjonar om korleis du søker finn du på nettsidene deira.

Semesterinndeling

september - januar

januar - juni