Her er dei nye studentane våre
750 nye MatNat-studentar fekk ein varm velkomst i Grieghallen og på sin nye studieplass.
Main content
Tradisjonen tru vart dei nye studentane helst velkomne av dekan ved Det matematisk-naturvitskaplege fakultet, Helge K. Dahle.
Dahle ynskte dei nye studentane lukke til på den spanande reisa eit studieløp er.
– Starten på eit universitetsstudium er for dei aller fleste ei stor endring i livet. Som student ved universitetet er det større krav til å vere sjølvstendig enn som elev i skulen. De vil møte nye sosiale forventingar, andre læringsmetodar, og nettopp andre krav til eigenlæring og eigeninnsats, sa han til studentane som hadde møtt opp i Grieghallen den 13. august.
Dei 750 nye studentane vart tekne imot i Grieghallen.
Fredag 10.08 starta dei internasjonale studentane studieåret sitt ved Det matematisk-naturvitskaplege fakultet. Møt nokon av dei i denne videoen:
Det å studere realfag ved Universitetet handlar om å utvikle evna til å undre seg over naturen. For nokre av oss dreier det seg om å sjå og forstå det vakre i matematikken. For andre gir genetiske analysar av mikroorganismar gløtt inn i livets opphav og utvikling.
Nye studentar kjem til Realfagbygget.
