Dekanat og Instituttleiarar SV

Dette vil dei nye SV- leiarane

Leiarane på SV-fakultetet kom saman på vakre Solstrand og tenkte høgt om dei neste fire åra for samfunnsfaga på UiB. Dekan Jan Erik Askildsen leiar framleis skuta, og med ny prodekan og visedekan, samt fem nye instituttleiarar, var det tida for å få fram nye tankar.

SV fakultet dekanat og institutleiarar 2021

Nye folk pregar leiinga ved dei sju institutta ved SV fakultetet. Dekan Askildsen har også fått med seg ny prodekan for forsking og ny visedekan for utdanning. Frå venstre: Marija Slavkovik, Kristoffer Chelsom Vogt, Tommy Staahl Gabrielsen, Siri Gloppen, Leiv Marsteintredet, Jan Erik Askildsen, Lise Rykkja, Peter Andersen, Synnøve Bendixsen og Kristine Jørgensen.

Foto/ill.:

Torhild Dahl, UiB

Hovedinnhold

Av Torhild DahlPublisert: 09.09.2021

Ambisjonen er å vidareutvikle det dynamiske samfunnsvitskapelege miljøet vårt. Med 4200 studentar, 400 tilsette og doktorgradskandidatar frå hele verda, har vi alle forutsetningar for å hevde oss i toppen.
- Jan Erik Askildsen, dekan ved Det samfunnsvitenskapelige fakultet, Universitetet i Bergen

Jan Erik Askildsen er i gong med fire nye år som dekan ved Det samfunnsvitenskapelige fakultet på Universitetet i Bergen. Med seg i dekanatet har han prorektor for forsking, Siri Gloppen, og visedekan for utdanning, Kristine Jørgensen. Etter instituttleiarvalet i vår har det også blitt fleire nye ansikt i resten av leiargruppa, der fem av sju instituttleiarar er nye i stolen.

– Framover blir det viktig å prioritere god kommunikasjon internt, og sikre transparente prosessar. Vi vil føre ein aktiv politikk for inkludering og mangfald, seier Askildsen.

Team Askildsen har høge ambisjonar for korleis det samfunnsvitskapelege miljøet ved UiB skal utvikle seg dei neste fire åra.

– Ambisjonen er å vidareutvikle det dynamiske samfunnsvitskapelege miljøet vårt. Med 4200 studentar, 400 tilsette og doktorgradskandidatar frå hele verda, har vi alle forutsetningar for å hevde oss i toppen.Vi vil styrkje den forskingsbaserte utdanninga, vere ein premissleverandør innan UiB sine strategiske satsingar, og ein ettertrakta studiestad. Forskinga vår er, og skal vere av høgste kvalitet. Vi vil søkje å bevare faga sin eigenart, samtidig som vi legg til rette for tverrfagleg forsking og undervising, seier han.

Sjå også bildetekstene under, for dei ulike leiarane sine tankar for dei neste fire åra.

Jan Erik Askildsen dekan SV-fakultetet portrett

Jan Erik Askildsen, Dekan på SV-fakultetet, UiB

Foto/ill.:

Torhild Dahl, UiB

"Vi vil utvikle strukturar som stimulerer til gode forskingsfellesskap, som har fokus på forskinga sitt innhald og kvalitet, og som stimulerer til nytenking innan og på tvers av fag. Vi vil legge betre til rette for å søkje eksterne forskingsmidlar, og for å lukkast både med søknaden og implementeringa av prosjekta. Vi vil dessutan at den aller beste forskinga i større grad skal kome studentar og forskarrekruttar til gode, og at desse blir fyrtårn i Master- og ph.d.-utdanninga." - Siri Gloppen, prodekan for forsking på SV-fakultetet UiB

Foto/ill.:

Torhild Dahl, UiB

Kristine Jørgensen – visedekan for utdanning SV fakultet

"Vi har eit høgt studenttal, og god gjennomstrøyming, samt fagleg diversitet. Utdanningane våre har høg samfunns- og arbeidslivsrelevans, og det kan vi bli enda meir bevisste på. Vi ser at fakultetet er bachelor- tungt, og vi vil difor arbeide for å styrke både master- og ph.d.-nivået i utdanninga. Vi ser dessutan at det er mykje å hente på betre synergi mellom forsking og utdanning, og vi vil jobbe for å få betre strukturar for samarbeid på tvers." Kristine Jørgensen – visedekan for utdanning på SV-fakultetet UiB

Foto/ill.:

Torhild Dahl, UiB

Kristoffer Chelsom Vogt instituttleiar sosiologi UiB

"I forskingsverda har vi dei siste åra sett ein auka tendens til tingleggjering, at ein målar verdien til forskinga i pengar. Mitt primære fokus som leiar vil ikkje vere på eksterne medel som kjem inn, men på at forskinga og studentane som vi sender ut av instituttet ber eit kvalitetsstempel. Sosiologisk institutt skal vere eit institutt der vi støttar og rosar kvarandre for alt det gode arbeidet som blir gjort." Kristoffer Chelsom Vogt - Instituttleiar, Sosiologi UiB

Foto/ill.:

Torhild Dahl, UiB

Marija Slavkovik instituttleder InfoMedia UiB

"Vi har hatt fantastisk vekst dei siste åra, og det det er no tida for konsolidering. Vi har åtte forskingsgrupper og to senter som driv med alt frå kunstig intelligens til journalistutdanning, og eg ønskjer å samle trådane. Vi ønskjer også å styrke masterprogramma, forskingseksellensen, samt ph.d. og postdoktoropptaket vårt." Marija Slavkovik - Instituttleiar, Info- media UiB

Foto/ill.:

Torhild Dahl, UiB

Peter Andersen Instituttleiar geografi UiB

"Vi har forska på samanhengen mellom natur-, miljø- og samfunn lenge før det vart allmenn bevisstheit rundt dette, og faga våre grip direkte inn i fleire av dei globale samfunnsutfordringane. Kandidatane våre får jobb mange ulike plassar, ikkje minst innan planlegging og utvikling av meir berekraftige byar og stader. Vi ønskjer å gjere oss enda meir synlege også eksternt innan særleg klimautfordringar og berekraft." Peter Andersen - Instituttleiar, Geografi UiB

Foto/ill.:

Torhild Dahl, UiB

Synnøve Bendixsen: Instituttleiar Sosialantropologi

"Antropologiske perspektiv på verda og på globale samfunnsendringar er meir aktuelle enn nokon gong. Tenk berre på antropocen- effektane vi ser på område som klimaendringar og ikkje minst konfliktar som ofte handlar om ressursar. Stadig fleire studentar søkjer til oss, og vi skal halde fram med å utdanne nye generasjonar med evne til kritisk refleksjon. På instituttet har vi svært mange internasjonalt anerkjende forskarar. Sjølv om det alltid er kjekt med eksternt finansierte store prosjekt må vi gi meir merksemd til grunnforskinga som skjer kontinuerleg, gjerne av enkeltpersonar over fleire år, og som blir litt usynleg med systemet vi har i dag. Noko anna som eg har på hjartet er rett og slett å bidra til at dei tilsette på instituttet trivast." - Synnøve Bendixsen, Instituttleiar Sosialantropologi UiB

Foto/ill.:

Torhild Dahl, UiB

Tommy Staahl Gabrielsen Instituttleiar Økonomi UIB

"Vi er eit internasjonalt anerkjent institutt som leverer forsking på høgt internasjonalt nivå, og vi er også ein premissleverandør for norsk økonomisk politikk. Vi er opptekne av kvaliteten på forskinga meir enn kvantiteten. Vi har også høg kvalitet på undervisninga og studieprogramma våre har høg arbeidsmarknadsrelevans. Framover blir det viktig å sikre undervisningskapasiteten og å få bukt med den sterke kjønnsubalansen i forskingsstaben." - Tommy Staahl Gabrielsen, Instituttleiar Økonomi UiB

Foto/ill.:

Torhild Dahl, UiB

Lise Rykkja Instituttleiar Administrasjon og organisasjonsvitskap UiB

"Vi står ovanfor eit generasjonsskifte på instituttet, med fleire nye tilsette, ny leiing og to nye ERC-ar. Vi har ein sterk fot i forvaltingsforskinga, og no ar vi fått inn nye felt innan både globalisering og utviklingsforsking. Vi treng å konsolidere oss, samtidig som vi ser mange moglegheiter for samarbeid på tvers av institutt." Lise Rykkja - Instituttleiar Administrasjon og organisasjonsvitskap, UiB

Foto/ill.:

Torhild Dahl, UiB

Leiv Marsteintredet: Instituttleiar Sammenliknende politikk UiB

"Vi vil vere ein premissleverandør av forsking på dei store samfunnsutfordringane, og rekruttere dei beste talenta nasjonalt og internasjonalt. Som instituttleiar ønskjer eg arbeidsro for å fokusere på arbeidsmiljø og samhald, samt å utvikle nye og unike fagprofilar som styrkjer den forskingsbaserte undervisinga på Sampol." - Leiv Marsteintredet, Instituttleiar Sammenliknende politikk, UiB

Foto/ill.:

Torhild Dahl, UiB

Tilknyttet innhold

Askildsen gjenvald som deka på SV-fakultetet

Askildsen gjenvald som SV-dekan

Jan Erik Askildsen får fornya tillit som dekan ved SV-fakultetet etter ein spanande valkamp. – Eg er veldig glad for å kunne halde fram med å styrke samfunnsfaga si rolle ved UiB, seier han.