Bjørn Tore Gjertsen fekk Helse Vest sin forskingspris
Professoren ved Klinisk institutt 2 mottek prisen for sitt mangeårige forskingsarbeid på blodkreft.
Main content
Forskingsprisen blei delt ut på forskingskonferansen i Helse Vest 31. oktober, skriv Helse Vest på sine nettsider. Førstnemnde gjekk til Bjørn Tore Gjertsen, professor ved Klinisk institutt 2. Han blei tildelt forskingsprisen i Helse Vest for den viktige forskinga si på blodkreft, spesielt akutt myeloid leukemi (AML).
Gjertsen sitt arbeid har ført til betre behandling av AML-pasientar gjennom avanserte analysar av enkeltceller og signalvegar. Dette har forbetra både diagnostikk og behandling.
Inger Thune ved Universitetet i Oslo leiar priskomiteen:
– Han har klart å kombinere grunnforsking med praktisk behandling. Arbeidet hans har forbetra behandlinga for pasientar med akutt myeloid leukemi og har vært banebrytande, seier professor Inger Thune til journalisten i Helse Bergen.
Gjertsen har også bygd opp eit sterkt forskingsmiljø og eit breitt samarbeid mellom grunnforskarar og klinikarar. Dette samarbeidet har vore viktig for framstega innan leukemibehandling.
