HF-demokratiet
Universitetet i Bergen med tilhøyrande fakultet og institutt vert styrt med demokratisk deltaking av tilsette og studentar. Kvar vår er det val på representantar for mellombels tilsette og studentar.
Hovedinnhold
| Våren 2025 er det val av dekan og prodekan, samt representantar til fakultetsstyret og instituttråda. Meir om valet her. |
Om HF-demokratiet
Tilsette og studentar vel personar til leiarfunksjonar og representantar til styringsorgan ved fakultet og institutt.
Dekanen er den øverste faglege leiaren ved fakultetet. Dekanen vert vald for fire år saman med prodekanen. Dekanen er leiar av fakultetsstyret.
Fakultetsstyret er fakultetets øverste styringsorgan, og har elleve medlemmer. Fakultetsstyret fattar blant anna vedtak om strategiske planar for forskning og utdanning, budsjett og tilsettingar.
Instituttråda er dei øverste representative organa ved institutta og skal behandle og gjere vedtak på viktige saksfelt, på vegne av institutta.
- Instituttrådet ved Institutt for arkeologi, historie, kultur- og religionsvitenskap
- Instituttrådet ved Institutt for filosofi og førstesemesterstudier
- Instituttrådet ved Institutt for framandspråk
- Instituttrådet ved Institutt for lingvistiske, litterære og estetiske studier
Om vala
Tilsette og studentar ved Det humanistiske fakultet vel dekan, medlemmer til fakultetsstyret og til instituttråda. Vala vert gjennomførde om våren.
Som veljar kan du påverke ikkje berre ved å stemme, men også ved å fremje kandidatar. Det er du som veljar som må foreslå kandidatar til styre og råd.
Styre og råd skal ha medlemmer vald av og blant:
- Gruppe A: Fast tilsette i vitskapeleg stilling
- Gruppe B: Mellombels tilsette i vitskapeleg stilling
- Gruppe C: Teknisk og administrativt tilsette
- Gruppe D: Studentar
Representantane for gruppe A og C vert vald for ein fireårsperiode. Dei valde medlemma sit no for fireårsperioden august 2021–juli 2025.
Representantane for gruppe B og D vert vald for ein eittårsperiode. Dei valde medlemma sit no for perioden august 2024–juli 2025.
