Polyfon-konferansen 2025

Programkomiteen har starta arbeidet med eit spennande program, og har førebels sett opp hovutrekk i programmet, med atterhald om endringar )detaljar kjem seinare på våren).

09.00-09.30 Dørene opnar – registrering, kaffi og frukt

PLENUM

09.30-10.00 Opning (musikk + opningshelsing)

10.00-10.10 Film

10.10-10.40 Plenumsinnlegg/-diskusjon 1: 10 Polyfone år: Kva kom ut av det? (Kva har skjedd med utviklinga av MT i Norge. Dei store linjene i klyngas utvikling. Suksessfaktorar/kritikk/refleksjon)

10.40-11.10 PAUSE / betjent posterutstilling

11.10-12.00 Plenumsinnlegg/-diskusjon 2: Kor står faget og kunnskapsklynga i dag? (Musikkterapiens samfunnsrelevans. Klyngas strategi og handlingsplan. Korte innlegg frå prosjekt som har fått støtte frå Polyfon. Presentasjonar frå nye forskarspirer og spennande, innovative prosjekt).

________________

12.00-13.00 LUNSJ

13.00-14.35 Parallelle sesjonar / Møteplass

14.35-15.00 PAUSE

________________

PLENUM

15.00-15.40 Plenumsinnlegg/-diskusjon 3: Eit blikk inn i framtida. (Strategiar for nasjonal implementering av musikkterapi. Musikk som folkehelseressurs. Kor står vi om 50 år? Paneldiskusjon om mogelegheiter og utfordringar framover.)

15.40-16.00 Avslutning (Kort sluttkommentar + musikk)

Best utbyte av konferansen får sjølvsagt dei som deltar fysisk, både p.g.a. av dei parallelle sesjonane etter lunsj og fordi pausepraten og nettverksbygginga alltid er ein viktig del av ein konferanse. Men med tanke på nasjonal rekruttering og behovet for å spreie kunnskap til heile landet, vil vi også leggje opp til ei enkel strøyming av programmet i plenumssalen, slik at folk (utan kostnad) kan følgje dette anten dei sit i Alta eller Arendal.

Lenke til strøyming vert lagt ut her når det nærmar seg.

Også i år planlegg vi ein "mini-festival" i dagane rundt konferansen, med inspirasjonsdagar, konsertar og arbeidsseminar, i tillegg til sjølve Polyfon-konferansen. Detaljar kjem etterkvart som dei er klare.

Polyfon-konferansen 2025 søkjer kursgodkjenning frå Legeforeningen og Norsk psykologforening. 

Konferansestad (Høgskulen på Vestlandet, Campus Kronstad)

• Konferansestaden er tilgjengeleg for rullestol.
• Det er trinnfri tilkomst til alle rom som vert brukt under konferansen. Alle rom som vert brukt ligg i første etasje / på bakkenivå.
• Konferanseregistreringen vil vere i "Storstuen" (foajeen), til venstre for HVLs hovudinngang, like ved Mimes Brønn. 

Ankomst

• Anten du kjem frå flyplassen eller Bergen sentrum, kan du ta Bybanen til campus. Bybanen stoppar like ved høgskulen, og bybanestoppet heiter Kronstad. Skal du frå sentrum til campus, er reisetida med Bybanen 10 minuttar. Reisetid frå flyplassen til Kronstad er 40 minuttar.
• Bybanen er tilgjengeleg for rullestolar.
• På Kronstad er det 11 HC-plasser, som kan nyttast kostnadsfritt dersom du har kommunalt HC-kort/parkeringsløyve.

Nedsett hørsel

• Det er teleslynge i Mimes Brønn.
• Det er FM-sendar i romma som vert brukt til parallellsesjoner. 

Astma/allergi

• Alle konferanserom er teppefrie.